TAIGÜTHUM 8:12 - Cho Bible Common Language 2016

¹² Ani naw Aaron ah lu khan ah phyuh nak situi awn shawi ne phyuhtheh ci.

TAIGÜTHUM 8:12 Referans Kwoze

PHYAWN NAK 30:30

Cun kawn ah Aaron la a hta gui cu, phyutheh gui ne taigü ah kya ne ka khuut bik khai gui ah phyisä gui ä.

SAM 133:2

Cun cu Aaron ah lu ung yuk shawi ung, am khamu ung zu long ne, a suinu k’pei ung gawk ciah m’kui m’to nak ah tui ng’ui ah mäih ah kyak ci nei.

PHYAWN NAK 29:7

Cun kawn ah phyisä nak situi cu la ne alu khan ah yuk shawi neta phyisä vai.

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

PHYAWN NAK 28:41

Shin ah sui gui cu na phäi Aaron la a hta gui am na m’sui gui vai. Olive situi awn phyisä gui ne, na phyutheh gui vai. Cun ung ngami naw taigü ah kya ne ka bii bik khai gui.

TAIGÜTHUM 7:36

Israel chang gui naw shin ah douthak amshah cu, ngami am ami pek gui vai ah, cu hnüüp ung Bawipa naw thumkhän gui ci. Shin cu Israel chang gui naw lawk ciah a khin avan ung ami läk vai ah thungyo ah kyak ci.

TAIGÜTHUM 8:30

Moses naw hluknak situi amshah la sonkiang ungka si amshah cu la neta, Aaron la hta gui ah khan la ami sui gui ah khan ah k’peh ci. Cu cha ah ani naw ngami la ami sui gui cu theing sak ne, Bawipa am ap ci.

TAIGÜTHUM 10:7

Pung ung valuh nak cu kä nami hteh tak vai, kä cung nami sik khai. A i ah kyasei ci ung nangmi cu hluknak ah Bawipa ah situi awn theing pyi ah nami kyak ci. Cun ah kyasei ngami cu Moses ah pyen ah mäih ah bik ci gui.