TAIGÜTHUM 8:1 - Cho Bible Common Language 2016

¹ Bawipa naw Moses am,

TAIGÜTHUM 8:1 Referans Kwoze

PHYAWN NAK 28:41

Shin ah sui gui cu na phäi Aaron la a hta gui am na m’sui gui vai. Olive situi awn phyisä gui ne, na phyutheh gui vai. Cun ung ngami naw taigü ah kya ne ka bii bik khai gui.

PHYAWN NAK 29:1

“Shin cu Aaron la a hta gui naw ng’ap ne taigü ah kya ne ka bii ami bi vai ah na phyutheh gui vai ah kyak ci. Kä kheihlik ciah vantang nong la htome hnih cu na lak vai.

PHYAWN NAK 29:9

Ami khei ung m’ciusam awn khih sak gui ne, lukhu phi ng’bün sak gui vai. Cun cu nang naw Aaron la a hta gui na phyutheh gui ah kyak ci. Ngami la ngami ah hta ng’shon gui naw taigü ah kya ne ngawi yä ka bii bik khai gui.

PHYAWN NAK 40:12

“Aaron la a hta gui cu Phung ah m’kawt ung khü law gui vai, ngami cu a cun ung tui ng’si khai gui.

TAIGÜTHUM 7:38

Shin cu bungpuk, Sinai M’htung khan ah, Bawipa naw Moses am a pek ah thumkhän gui ah kyak ci. Cun cu Israel chang gui naw douthak nak ami bi vai ah am thein nak gui ah hnüüp ung ah kyak ci.

TAIGÜTHUM 8:2

“Aaron la a hta gui cu kei ah om nak ah Phung ung valuh nak ung na law püi gui vai. Taigü suinu gui, hluk nak ah situi, katphyawn-douthak nak vai ah vantang nong, htome akhla hnih, la k’caw kä shum ah m’htut dawn ät cu nami law püi vai.

SAM 99:6

Moses la Aaron cu a taigüpa goi ah kyak ci, Samuel cu ani ah taigü ciah kyak ci; Ngami naw Bawipa cu khü u sei, Ani naw m’shang gui ci.

PHYAWN NAK 28:1

Na phäi Aaron la a hta gui, Nadab, Abihu, Eleazar, la Ithamar gui cu a täng ah ng’bum sak gui ä. Ngami cu Israel chang ungka k’pai gui ä. Cun ung taigü ah kya ne ka bi bik khai gui nei.

PHYAWN NAK 29:29

“Aaron ah taigü khingyih cu asih kawn ah a hta gui ah m’düng vai ah kyak ci. Ngami naw phyutheh nak ami gah kawn ah ami sui vai ah kyak ci.

PHYAWN NAK 39:32

Bawipa ah om nak ah Phung bi nak cu ak hnu ah ng’pyi phleh ci. Bawipa naw Moses am thumkhän a pek ah mäih ah Israel gui naw bii vai avan cu bi yawp ci gui.

KHEI NAK 3:3

Ngami cu taigü ah kyak khai gui ah phyisä ne phyutheh gui ah kyak ci,

1 SHONTÄP NAK 6:49

Aaron la a hta ng’shon gui naw tui ng’ui douthak nak la sonkiang ung m’khih ne khawihnah nak cu douthak ci gui. Ngami cu Atheingcim Pikbäih Hmun ung khawihnah avan la Israel gui katnak Khanpughi naw amgeinsei gui vai ah khawihnak nak ung bilo ci gui. Ngami naw shin gui avan cu Khanpughi ah changshäm, Moses ah m’shümthein ah mäih ah bik ci gui.