TAIGÜTHUM 7:7 - Cho Bible Common Language 2016

⁷ Katphyawn douthak nak la thungba nak douthak nak ng’dang sak ciah thungyo tumat om ci. Khawihnah nak douthak ciah taigü naw cun ah meh cu khäm ci.

TAIGÜTHUM 7:7 Referans Kwoze

1 KORIN 9:13

Pum im kyong ah bi bik ciah chang naw pum im kyong ah ei vai gah ci, Mang kyang ung khawihhah ciah chang naw, mang kyang ung khawihnah nak cu gah tuk ci, cicu akcang ah nami hmat ci nei.

TAIGÜTHUM 14:13

Ani naw cun ah htome hta cu katphyawn douthak nak la m’khih ne douthak nak ah seime gui ami ngawn nak ah theingcim ciah hmun ung ngawn khai. Ani naw shin cu a bi bä bä vai, a i ah kyasei ci ung katphyawn douthak nak ah mäih ah thungba nak douthak cu taigü ah kaa ah kyak ci, ang htei ah theingcim ci.

1 KORIN 10:18

Jew chang gui cu teng gui shüm vä; ngami cu khawihnah nak ei ci gui ah kya ne, Khanpughi ah mang kyang ung khawihnah tuk ci gui.

TAIGÜTHUM 7:8

M’khih ne douthak nak seime ah avun cu khawihnah nak douthak ciah taigü naw khäm ci.

2 GHANGPUGHANG GUI 12:16

Thung sah nak vai ah douthak nak la katnak-douthak nak ah pek ah douthak nak gui cu k’peem m’küm ung kä tha ci gui; cun cu taigü ah kaa ah kyak ci.

TAIGÜTHUM 2:3

Pawih ba ciah htang-douthak cu taigü gui naw khäm ci gui. Cun cu ang htei ah theingcim ci, Bawipa am douthak ah ei ungka lak ah kyak ci.

TAIGÜTHUM 2:10

Pawih ciah douthak cu taigü gui naw khäm ci gui, cun cu ang htei ah theingcim ci, cun cu Bawipa am douthak ah ei ungka lak ah kyak ci.

KHEI NAK 5:8

Dou khai ah chang cu si sei, ang een pi ng’lawh dou pek khai kä a om ah a kyak ung, cun ah ng’lawh cu taigü ah hmawk ah Bawipa am pek vai. Shin ah ng’lawh nak ung cheishoh ciah chang ah hmawk ah ng’gängsei bi nak ah htome cu mang vai.

2 GHANGPUGHANG GUI 12:17

Cun yah ung Siria ghangpughang Hazela naw Kath mang gaw cu tu ne khäm ci; cun kawn ah Jerusalem phi tuk khai ah k’bäi ci.