TAIGÜTHUM 7:6 - Cho Bible Common Language 2016

⁶ Taigü kyong pami phung naw cun cu a ei vai. Cun ung phi cun cu a theingcim nak ung ei vai, a i ah kyasei ci ung cun cu ang htei ah theingcim ci.

TAIGÜTHUM 7:6 Referans Kwoze

TAIGÜTHUM 6:29

Shin ah douthak ah ei cu taigü kyong pami gui naw ami ei vai. Cun cu ang htei ah theingcim ci.

TAIGÜTHUM 2:3

Pawih ba ciah htang-douthak cu taigü gui naw khäm ci gui. Cun cu ang htei ah theingcim ci, Bawipa am douthak ah ei ungka lak ah kyak ci.

1 KORIN 9:13

Pum im kyong ah bi bik ciah chang naw pum im kyong ah ei vai gah ci, Mang kyang ung khawihhah ciah chang naw, mang kyang ung khawihnah nak cu gah tuk ci, cicu akcang ah nami hmat ci nei.

1 KORIN 10:18

Jew chang gui cu teng gui shüm vä; ngami cu khawihnah nak ei ci gui ah kya ne, Khanpughi ah mang kyang ung khawihnah tuk ci gui.

TAIGÜTHUM 7:5

Taigü naw Bawipa am ei-douthak ah kyak khai ah sonkiang ung a thau avan cu am khih vai. Cun cu thungba nak douthak ah kyak ci.

EZEKIEL 42:13

Cun ah chang naw na pyen nak ci, “Shin ah im goi cu Theingcim ci. A shin goi ah kyong ah Bawipa ah ma ah va lut ciah taigü gui naw aktheing pibäih ah douthak nak cu ei ci gui. Cun gui cu htang-douthak, katnak ah phäh ah douthak ah khawihnah nak la thungnak-douthak nak gui ah kyak ci.

HAKKAI 2:12

Avaisü ah chang tumat naw, tehing ciah meh cu vawihpeh nak ungka la ne, a suinu awn hlawp ne law püi khäta, m’htut, buh, sapyit tui, situi la ei vai phung cu a suinu naw a tawn ah a kyak ung, cun gui cu theing tuk khai gui ang?” Acun ah ng’shi gui khäta taigü gui naw, “Ka nei” cik ci gui.

TAIGÜTHUM 6:11

Cun kawn ah ani naw a suisak ng’thong neta, m’vut cu la ne Phung ah k’pung ah atheingcim nak ah hmun ung a tha vai.

TAIGÜTHUM 21:22

A cun ah mäih chang naw, kei am ami na thak law ah ei cu a ei vai. Theingcim ciah ei-douthak la atheingcim pikbäih ah ei-douthak avan ah kyak ci.