TAIGÜTHUM 7:36 - Cho Bible Common Language 2016

³⁶ Israel chang gui naw shin ah douthak amshah cu, ngami am ami pek gui vai ah, cu hnüüp ung Bawipa naw thumkhän gui ci. Shin cu Israel chang gui naw lawk ciah a khin avan ung ami läk vai ah thungyo ah kyak ci.

TAIGÜTHUM 7:36 Referans Kwoze

TAIGÜTHUM 8:12

Ani naw Aaron ah lu khan ah phyuh nak situi awn shawi ne phyuhtheh ci.

TAIGÜTHUM 8:30

Moses naw hluknak situi amshah la sonkiang ungka si amshah cu la neta, Aaron la hta gui ah khan la ami sui gui ah khan ah k’peh ci. Cu cha ah ani naw ngami la ami sui gui cu theing sak ne, Bawipa am ap ci.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

1 SAMUEL 2:28

Israel pakhui avan ung ka, ka taigüpa gui vai ah ani a ah kyong khui cu ka ghü ci, sonkyang ung bi bik khai, masui sui ne kei awn ng’ge pai khai. Sonkyang ung m’khih ne, khawhnak nak aming pai nak tu hning vai ah ami chaw cu kei naw ka pe gui ci.

PHYAWN NAK 27:21

Aaron la a hta gui naw kei ah om nak ah phung ah kyong ah mei im ami m’däi vai, cun cu yihdung ah akpung, Thukhän M’küm ah a ma ah kyak ci. Acun ah kei ah ma ah mühun ung tün ne khaw ngawi ung khüt sei, ami m’däi vai nei. Shin ah thumkhän cu Israel gui la ami hta ng’shon gui naw ngawiyä ami läk vai ah kyak ci nei.