TAIGÜTHUM 7:35 - Cho Bible Common Language 2016

³⁵ Shin cu Aaron la a hta gui taigü gui ah kyak khai gui ah phyuhtheh gui hnüüp ung Bawipa am ei-douthak amshah ah kyak ci.

TAIGÜTHUM 7:35 Referans Kwoze

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

1 JOHAN 2:20

Cun ung phi Bawi Khrit naw nangmi ah khan ah Mumcha Theing cu ning m’kyum gui pyi ci kyasei, nangmi naw thu thuuk cu nami hmat pyi ci nei.

2 KORIN 1:21

Bawi Khrih ung kawng ät nak awn keimi la nangmi na ghin sak gui ci cu, Khanpughi a mät ah kyak ci.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ISAIAH 10:27

Cun ah khin a gawk law ung, kei naw nangmi cu Assiria ah huham ungka, ka ning m’hlawt gui khai, ngami ah phuih gih cu nangmi ah phleing ung kä ng’taih ba khai.”

TAIGÜTHUM 8:30

Moses naw hluknak situi amshah la sonkiang ungka si amshah cu la neta, Aaron la hta gui ah khan la ami sui gui ah khan ah k’peh ci. Cu cha ah ani naw ngami la ami sui gui cu theing sak ne, Bawipa am ap ci.

PHYAWN NAK 29:21

Sonkiang ah khan ah om ciah si amshah cu la ne, situi amshah cu la neta, Aaron la asuisak ah khan, a hta gui la ami suisak ah khan ah na k’peh vai. Ani, a hta gui la ami suisak gui cu kei ung ami ng’ap vai nei.

PHYAWN NAK 29:7

Cun kawn ah phyisä nak situi cu la ne alu khan ah yuk shawi neta phyisä vai.

PHYAWN NAK 29:1

“Shin cu Aaron la a hta gui naw ng’ap ne taigü ah kya ne ka bii ami bi vai ah na phyutheh gui vai ah kyak ci. Kä kheihlik ciah vantang nong la htome hnih cu na lak vai.

PHYAWN NAK 28:1

Na phäi Aaron la a hta gui, Nadab, Abihu, Eleazar, la Ithamar gui cu a täng ah ng’bum sak gui ä. Ngami cu Israel chang ungka k’pai gui ä. Cun ung taigü ah kya ne ka bi bik khai gui nei.

1 SAMUEL 2:28

Israel pakhui avan ung ka, ka taigüpa gui vai ah ani a ah kyong khui cu ka ghü ci, sonkyang ung bi bik khai, masui sui ne kei awn ng’ge pai khai. Sonkyang ung m’khih ne, khawhnak nak aming pai nak tu hning vai ah ami chaw cu kei naw ka pe gui ci.