TAIGÜTHUM 7:34 - Cho Bible Common Language 2016

³⁴ Seime ah amakaw cu aktung m’cümhnah ah, akpat täng a khaw cu aktung pektak ah, Bawipa naw Israel chang gui ah la neta, taigü gui am pe gui ci. Shin cu Israel chang gui naw Taigü gui am lawk ciah akhin päng ung, ami pek vai ah kyak ci.

TAIGÜTHUM 7:34 Referans Kwoze

THULÄÄN NAK 18:3

“Sei la htome awn khawihnah law phung ung ak phleing, am kha la akchikhawn cu taigü gui am pek vai.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

PHYAWN NAK 29:9

Ami khei ung m’ciusam awn khih sak gui ne, lukhu phi ng’bün sak gui vai. Cun cu nang naw Aaron la a hta gui na phyutheh gui ah kyak ci. Ngami la ngami ah hta ng’shon gui naw taigü ah kya ne ngawi yä ka bii bik khai gui.

PHYAWN NAK 29:26

“Cun ah htome ah ang kyang cu la neta, aktung ah m’cümhnah nak ah kei am nami na pek vai. Cun ah asa cu nang ah kaa ah kyak ci.

TAIGÜTHUM 7:33

asi la a thau hmuhchum-douthak pek ciah taigü am pek vai.

KHEI NAK 5:9

Israel gui naw aktung ah pektak ah Bawipa am ami douthak phung cu, taigü ung ami pek ah kyasei, taigü ah kaa ah kyak ci.

KHEI NAK 8:11

Cun kawn ah Aaron naw Levit gui cu, Israel chang gui ungka la gui ne, aktung ah m’cümhnah nak ah kei ung ana ap vai. Cun ah kyasei ngami naw kei ah bii bik khai gui.

KHEI NAK 6:20

Cun tawi ne taigü naw cun gui cu aktung ah m’cümhnah ah Bawipa am a peik vai. Cun gui cu taigü ah hmawk ah theingthap ciah douthak ah kyak ci. Cun kawn ah hlü ba ciah meh ah ang kyang la a khaw gui cun phi thukhän thung ah taigü ah khäm ah kyak ci. Cun kawn ah Nazirit naw sapyit tui cu aw hning ci.