TAIGÜTHUM 7:30 - Cho Bible Common Language 2016

³⁰ Cun cu ei-douthak ah amät ah kut awn a law püi vai. Ani naw seime ah a thau cu amakaw mah ah law püi ne, Bawipa am aktung ah m’cümhnah ah a pek vai.

TAIGÜTHUM 7:30 Referans Kwoze

KHEI NAK 6:20

Cun tawi ne taigü naw cun gui cu aktung ah m’cümhnah ah Bawipa am a peik vai. Cun gui cu taigü ah hmawk ah theingthap ciah douthak ah kyak ci. Cun kawn ah hlü ba ciah meh ah ang kyang la a khaw gui cun phi thukhän thung ah taigü ah khäm ah kyak ci. Cun kawn ah Nazirit naw sapyit tui cu aw hning ci.

TAIGÜTHUM 3:14

Ashin gui cu ei-douthak ah Bawipa am ami pek vai; a chi kyong ah a thau avan,

TAIGÜTHUM 3:9

Ashin gui cu ei-douthak ah Bawipa am ami pek vai: athau, ak htüng guh ung m’chün ah ang mei kyäng, a chi kyong ah om ciah a thau avan,

2 KORIN 8:12

Nangmi naw na mi peit hlü cang ah a kyak ung Khanpughi naw, yum nakcang awn nami peit cu ning dou pe gui khai, nangmi ah kä peit nak hning cu Khanpughi naw kä ning k’thäh gui khai.

JOHAN 10:18

A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

TAIGÜTHUM 9:21

ang kyang la akpat täng khaw gui cu Moses ah thumkhän ah mäih ah, taigü gui ah hmawk ah aktung pi ah Bawipa am m’cümhnah ah pek ci.

TAIGÜTHUM 8:27

Ani naw shin gui avan cu Aaron la a hta gui ah kut ung pe gui ci. Ngami naw cun cu Bawipa am aktung ah m’cümhnah nak ah pek ci gui.

TAIGÜTHUM 8:29

Cun kawn ah Moses naw amakaw cu la neta, aktung ah m’cümhnah ah Bawipa am pek ci. Shin cu Moses naw phyuhtheh nak htome ung abi amshah ah kyak ci. Moses naw a päng avan cu Bawipa ah thumkhän bä bä ah bik ci.

TAIGÜTHUM 10:14

Nang la na kyongchang gui naw, taigü gui ah hmawk ah Bawipa am aktung ah m’cümhnah la aktung ah pektak ah amakaw la aphei khaw gui cu nami ei vai. Nangmi naw cun gui cu a i yah ah phi a theing nak ung nami ei hning ci. Israel chang gui ah hmuhchum-douthak nak ungka shin ah douthak gui cu nangmi ah chaw ah nang la na hta gui am ning pek gui nei.

KHEI NAK 8:11

Cun kawn ah Aaron naw Levit gui cu, Israel chang gui ungka la gui ne, aktung ah m’cümhnah nak ah kei ung ana ap vai. Cun ah kyasei ngami naw kei ah bii bik khai gui.

TAIGÜTHUM 9:20

seime ah ang kyang khan ah taih neta, avan cu sonkiang ah law püi ci. Ani naw a thau cu sonkiang ung m’khih neta,

TAIGÜTHUM 10:15

Cun ah khin ung ngami naw aphei khaw la amakaw cu ami law püi vai, a thau cu ei-douthak ah Bawipa am pek vai. Shin avan cu Bawipa ah thumkhän ah mäih ah nang la na htanau gui naw ngawiyä nami khäm vai ah kyak ci.

THULÄÄN NAK 18:3

“Sei la htome awn khawihnah law phung ung ak phleing, am kha la akchikhawn cu taigü gui am pek vai.