Biblia Todo Logo
Bib sou entènèt

- Piblisite -




TAIGÜTHUM 7:2 - Cho Bible Common Language 2016

2 Shi ah douthak nak vai ah seime cu sonkiang ah alu täng ah ngawn vai, cun cu m’khih ne douthak nak ah seime ngawn nak ah kyak ci. A si cu sonkiang ah ak kit phli avan hnungtuk nak khai ah huk vai.

Gade chapit la Kopi




TAIGÜTHUM 7:2
22 Referans Kwoze  

Ani naw sei cu acu ah ngawn khai, Aaron taigü gui naw asi cu Bawipa am pek khai gui. Cun kawn ah Phung ah luh nak ung om ciah sonkiang ah akit phli ung k’peh khai gui.


Aaron la a hta gui am katphyawn-douthak nak ah phäh ah shin ah thungyo gui na pek vai. Katphyawn douthak nak ah seime cu sonkiang ah alu täng ah ngawn vai. Cun cu m’khih ne douthak nak ah seime gui ngawn nak ung ah kyak ci. Shin cu ang htei ah theingcim ciah douthak ah kyak ci.


Ani naw sonkiang ah alu täng ah a ngawn vai, taigü gui naw sonkiang ah akit phli ung asi cu ami k’peh vai.


Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.


Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.


Ani naw phiawn nak ah pawi bi ne, m’kawt gui si awn ak peh sak gui cu a yum nak awn ah kyak ci, cun ah kyasei Israel chang gui ah ami hta htük gui cu, sih nak ah Khanchang naw kä ngawn gui ci.


Cun ah luh nak ah akhan ung tawng lang phli om ci, akhan vangtäng ung hnih ciah kyak ci. Cun ah tawng lang gui ah khan ung, khawihnah nak ah douthak vai ni, apum lüng m’khih ne douthak vai ni, katnak ah phäh ah khawihnah nak vai la thungba douthak nak ah seme gui cu ngawn ci gui.


Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.


Cun ung phi tuhbäi chang pakhui akda naw ani cu cäicat ne m’hlüng tai khai gui, ghangpughang gui cu cäi hmawtaw ne kä thung’htau ci gui. Ngami naw kä ami hmuh hmat man cu, hmuhmat lawk khai gui nei.”


Amät ah khin cu Nazirit ah Bawipa ung ang ap ba vai. Ng’pyi pyi ciah a khin cu kä khei tu vai. A i ah kyasei ci ung ani ah ang ap nak ah lusam cu lelawi ci. Thung-ba-douthak nak ah ani naw kum ät lüng ciah htome hta cu a law püi vai.


Asi amshah cu sonkiang ah hnungtuk täng ah k’peh khai. Pawih ba ciah asi cu sonkiang ah kung ung a huk vai. Shin cu katnak nawt heng nak ah douthak nak ah kyak ci.


Acun ah khan ah ani naw a kut taih neta, sonkiang ah alu täng ah a ngawn vai, cun cu m’khih ne douthak nak ah seime gui ngawn nak ah kyak ci.


Ani naw cun ah khan ah a kut taih neta, sonkiang ah alu täng ah a ngawn vai, cun cu m’khih ne douthak nak vai ah seime gui ami ngawn nak ah kyak ci.


Ani naw acun ah lu ah khan ah a kut taih neta, sonkiang ah a lu täng ung a ngawn vai. Cun cu m’khih ne douthak nak ah seime gui ami ngawn nak ah kyak ci. Shin cu katnak nawt heng nak ah douthak nak ah kyak ci.


htome ah lu khan ah a kut taih neta, Phung ah düma ah a ngawn vai. Taigü gui naw asi cu sonkiang ah akit phli avan ung ami k’peh vai.


Cun ah chang naw sei ah lu k’khan ah a kut taih neta, Bawipa ah om nak Phung valuh nak m’kawt ung a ngawn vai. Aaron tuu taigüpa gui naw asi cu sonkiang ah hnu akit phli ung ami k’peh vai.


Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.


Cun ah chang naw htome baw, me baw kä am hnüt hlawt ah a kyak ung, ani naw akatnak ah phäh ah Bawipa am a pek vai ah, müm kha hnih, käcung mümhta hnih a law püi vai. Tumat cu katphyawn ne douthak nak ah kyak khai, tumat cu m’khih ne douthak vai ah kyak khai.


Ani naw am häu ah phäh ah a thung ba kawn ah bum hma ung bum ät awn a khap vai, cun cu taigüpa am a pek vai. Cun kawn ah taigüpa naw cun ah chang ah kat ah phäh ah seime awn khawihnah nak a douthak vai, cun ung ani cu m’geinsei nak gah khai.


Taigüpa naw chang ah katnak ah phäh ah khawihnah nak a douthak vai, cun ung ani cu m’geinsei nak gah khai.


Ani naw cun ah htome hta cu katphyawn douthak nak la m’khih ne douthak nak ah seime gui ami ngawn nak ah theingcim ciah hmun ung ngawn khai. Ani naw shin cu a bi bä bä vai, a i ah kyasei ci ung katphyawn douthak nak ah mäih ah thungba nak douthak cu taigü ah kaa ah kyak ci, ang htei ah theingcim ci.


Swiv nou:

Piblisite


Piblisite