TAIGÜTHUM 7:19 - Cho Bible Common Language 2016

¹⁹ Cun ah a sa cu kä theingcim ci awn ang dawn ah a kyak ung, kä ei vai, mei ung m’khih vai. Akcang ah theingcim ciah chang naw cun ah sa cu a ei vai.

TAIGÜTHUM 7:19 Referans Kwoze

TITUS 1:15

Amät ah m’lung kyong theingcim ciah chang ah hmawk ah a i phi avan theingcim ci; cun ung phi amät kä theingcim ne a yum nak kä om ciah chang ah hmawk ah a i phi kä theingcim ci. A i ah kyasei ci ung ngami ah lung kyong la ami ngaih-tüh nak cu kä ah theingcim nak awn ah kyak ci.

2 KORIN 6:17

Cun ah kyasei Bawipa naw; “Ngami cu nawng shüt gui ne, ngami awn ng’cha ne nami om vai. Kä theingcim cicu kut awn phi kä nami tawk en vai, cun ung ka ning dou gui khai.

ROMAN 14:20

Ei auk vai ei auk nak awn Khanpughi ah bi cu kä m’shet en vä. Ei vai phung cu ei vai kyak ci, cun ung phi cun ah ei ei nak awn chang tumatmat katnak ung luh sak khai a kyak ung, cun ah ei ei cu m’cheishoh nak ah kyak ci.

ROMAN 14:14

Bawipa Jesuh ungka kawng ät nak naw, a i ei phi ang tüi püi ah kä ah theingthap nak kä om ci, cicu na hmat sak ci; cun ung phi, shin ah ei cu kä theing ci ciah yum ciah chang ah hmawk ah cun ah ei cu kä theing ci.

LAMKTU 10:28

Cun ah chang gui am Peter naw, “Jew chang tumat cu chang pakhui hei ung kä ah khawtsheng tu vai, kä ah ng’et sheng tu vai, ciah yum nak cu nami hmat pyi ci. Cun ung phi, a u shekak ci, a u kä theingthap ci, cine käm khoichaa vai ah Khanpughi naw nam hnuh pyi ci nei.

LUKA 11:41

Cun ah nami bi ung nangmi ah hmawk ah avan theingthap khai nei.

TAIGÜTHUM 6:27

A u phi, a i phi, seime ah asa tawn ci phung cu, acun ah theingcim nak huham naw nat sak khai. Seime ah si naw ang peh ah suisak ungka phung cu a theingcim nak ung m’suu ba vai.

TAIGÜTHUM 7:18

A hnüüp thum güt cun ah a sa cu ei ba ah a kyak ung, chang ah douthak cu Khanpughi naw kä dou khai. Douthak cu ani naw kä khei khai, kä theingcim ciah k’bäi khai. Cun ei ciah chang cu acun ah a phu ma na ne yaica khai.

TAIGÜTHUM 7:20

Cun ung phi kä theingcim ci naw a ei ah a kyak ung ani cu Khanpughi ah chang ah kä kya ba khai.