TAIGÜTHUM 7:18 - Cho Bible Common Language 2016

¹⁸ A hnüüp thum güt cun ah a sa cu ei ba ah a kyak ung, chang ah douthak cu Khanpughi naw kä dou khai. Douthak cu ani naw kä khei khai, kä theingcim ciah k’bäi khai. Cun ei ciah chang cu acun ah a phu ma na ne yaica khai.

TAIGÜTHUM 7:18 Referans Kwoze

KHEI NAK 18:27

Shin ah aktung ah pektak cu lai bi ci naw htang akthai la sapyit akthai a douthak awn täng ciah k’bäi ah kyak ci.

TAIGÜTHUM 22:25

A khawhei chang gui naw ami law püi ah seime cu ei-douthak ah kä nami douthak vai. Cun ah seime cu kheihlik ciah k’bäi ah kyak ci. Cun gui cu kä dou vai ah kyak ci.

TAIGÜTHUM 11:41

M’dek ung hnüntho ciah khisa aläm hta gui cu kä nami ei vai.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

ROMAN 4:11

Cun ah Abraham cu Khanpughi naw k’bäi ne a dou kawn ah vun-ah nak cu bik ci. Cun ah vun-ah nak abi ah mawng cu, Khanpughi naw Abraham ah yum nak cu hmu netah, vun-ah nak kä abi pha ung, chang düng ah k’bäi ne a dou cu saksi ah ng’dang khai ah am hnüt nak ah kyak ci. Cun ah kya sei Abraham cu vun-ah nak kä abi ung phi, Khanpughi a yum nak awn, chang düng ah k’bäi ne dou nak gah ci gui ah Pa ah kya lawk ci.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.

EZEKIEL 18:20

Kat nak bik ciah Chang cu sik khai. Apa ah katnak phäh ah a hta naw kä yai ca nak khai, a hta ah katnak ah phäh ah apa naw kä yai ca nak khai-Chan g k’ni cu akni a bi ah phäh ah m’cümhnak nak gah khai, Changshe cu akshe abi ah phäh ah yaica khai.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

JEREMIAH 14:10

Bawipa naw shin ah chang gui ah amawng pyen ci, “Ngami cu kei ungka dawng vai m’hni ci gui, ami mät naw ami mät kä m’htei hlawt khai gui. Cun ah kyasei kei naw ngami kä ka yei na gui ci. Kei naw ngami ah cheishoh nak cu shüm ba ne, ami katnak ah phäh ah ka m’kyuk gui khai.”

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

ISAIAH 65:4

Ngami cu khomü ah khuügui, ng’phuh hmun gui ah hteit ne, aksi gui mum cha gui cu ng’ge ng’pai püi ci gui. Ngami cu vawksa ei u ne, khongyo am khawihnah douthakah meh tui ca awk ci gui.

TAIGÜTHUM 22:23

Pängye douthak nak ah nangmi naw kä ng’müi ci, kä cung kä kümbe ciah seime phi, nami thak hning ci, cung phi cun cu shaitak ah kumbe nak ah douthak ah kä kyak ci.

TAIGÜTHUM 20:19

Pami tumat cu anikhaw awn ani ng’yawpawm ah a kyak ung, ang een aih su ah kya lawk ciah a mawng phung ma na ne yaica khai goi.

TAIGÜTHUM 20:17

Pami tumat naw a be, kä cung, abe m’shum a chu nak ah a kyak ung, ngani cu chang khli ah ng’lung ah thui ng’aa ci goi kyasei, chang bum ungka naw k’täm goi vai. Ani cu a be chu nak ciah kyasei, kya lawk ci phung ma nak khai ah kyak ci.

TAIGÜTHUM 17:16

Cun ah kä mi bi läi ung, ngami cu ami mät ah om ah phäh ah ami ma lam ung yaica khai gui.

TAIGÜTHUM 10:19

Aaron naw, “Tuhngawi katphyawn-douthak nak kei naw ka ei ah a kyak ung, Bawipa naw shin ah kyihkyawk vai gui cu kei ah khan ah gawk law sak sä cik ci.

TAIGÜTHUM 10:17

“A i ah kyasei nangmi naw katphyawn douthak nak cu a theing nak ah hmun ung nami ei ang? Shin cu ang htei ah theingcim ci, chang van ah katnak nawt heng nak vai ah Bawipa naw a ning pek gui ah kyak ci.

TAIGÜTHUM 5:17

Chang tumat naw kä ngaih-tüh ah Bawipa ah thumkhän tumat mat m’shet ne a kat ah a kyak ung, ani cu cheishoh ciah kyak ci. Ani naw a kat ah phäh ah a pek vai kyak ci.

TAIGÜTHUM 7:19

Cun ah a sa cu kä theingcim ci awn ang dawn ah a kyak ung, kä ei vai, mei ung m’khih vai. Akcang ah theingcim ciah chang naw cun ah sa cu a ei vai.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

TAIGÜTHUM 19:5

“Hmuhchum-douthak nak vai ah seime ngami ngawn ah a kyak ung, kei naw ka ning pek gui ah thungyo cu nami k’pang khek vai, kei naw nami douthak cu ka dou khai.