TAIGÜTHUM 7:16 - Cho Bible Common Language 2016

¹⁶ Chang tumat naw khäntam bukbe nak ah hmuhchum douthak a law püi ah a kyak ung, käcung amät ah yum ah a douthak ah a kyak ung acun douthak hnüüp ung avan kä ei vai, pawih ba cicu lawk ciah hnüüp ung ei ba vai.

TAIGÜTHUM 7:16 Referans Kwoze

THULÄÄN NAK 12:6

Acu ah nangmi naw nami khawihnah nak nami douthak vai kyak ci. Cun gui cu m’khih nak, a hei khawihnah nak gui, ami bumgha bum ät la douthak gui, Bawipa ung nami shaitak ah m’cümhnah gui, nami päingye douthak nak la nami sei la htome gui ah hta htük gui ah kyak ci.

NAHUM 1:15

Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

EZEKIEL 46:12

“Apum avan m’khih ah phi kia, khawtsheng-douthak nak ah phi kia, manghta naw amät ah m’hni ah Bawipa a douthak hlü ah a kyak ung ani am akyong täng cham ung luh nak ah, ak kyang täng m’kawt cu hmawn pek vai. Ani naw kyin hnüüp ung a bi ah mäih ah douthak nak cu bik khai, ani a hteh ba kawn ah m’kawt cu khai ba vai.

SAM 116:18

Na chang gui van ah ng’bum nak ah, Jerusalem kho, theingcim ciah Pum im ung kei naw ka shaitak cu ka ning pek khai nei. Haleluyah.

SAM 116:14

A chang gui van ah ng’bum nak ung ka shaitak cu kei naw ka pek khai.

SAM 66:13

Kei naw na im ung m’khih ne ka ning khawihnah khai; kei naw ka shaitak ah mäih ah ka ning vawihpeh khai.

THULÄÄN NAK 12:26

Nami douthak gui la Bawipa ung nami shaitak ah m’cümhnah nak gui cu khawihnah nak ah hmun tumat ung nami hteh püi vai.

THULÄÄN NAK 12:17

Bawipa am nami douthak phung cu nami om nak ah hmun gui ung kä nami ei vai. Nami htang bum gha bum ät, nami sapyit, oliv situi, nami sei me a hta htük gui, Bawipa ung nami shaitak ah m’cümhnah nak, nami päiye douthak la a hei douthak gui,

THULÄÄN NAK 12:11

Ani khawihnah nak vai ah Bawipa naw hmun tumat ghü khai. Acun ah kei naw ka ning thumkhän gui a päng cu nami law püi khai. M’khih vai ah nami khawihnah nak la a hei khawihnah nak gui, bum gha bum ät la dou thak gui, Bawipa ah nami shaitak ah aktung ah m’cümhnah nak gui,

KHEI NAK 15:3

Vantang tumat, htome m’ca tumat, htome hta tumat, kä cun ung me hta tumat cu Bawipa am pe vai, cun cu m’khih ne douthak, kä cun ung thukhän k’be nak ah khawihnah nak, kä cun ung pängye douthak nak, kä cun ung yum nak täng ah nami pawi man ah pawi ung nami douthak ah kyak ci. Shin ah ei-douthak ah ang ui cu Bawipa naw yei nak ci.

TAIGÜTHUM 23:38

Shin ah pawi gui cu kyin nak hnüüp päng k’be nak ah kyak ci. Shin ah douthak nak gui cu nami m’cümhnah nak päng k’be nak ah kyak ci. Shaitak nak ah kümbe nak vai ah nami douthak gui la nami pängye douthak gui cu, Bawipa am nami pek ah kyak ci.)

TAIGÜTHUM 22:29

Nangmi naw yeikyai nak ah khawihnah nak cu Bawipa am nami douthak law ung thungyo gui cu nak läk vai, cu ung nangmi cu ning dou gui khai.

TAIGÜTHUM 22:23

Pängye douthak nak ah nangmi naw kä ng’müi ci, kä cung kä kümbe ciah seime phi, nami thak hning ci, cung phi cun cu shaitak ah kumbe nak ah douthak ah kä kyak ci.

PHYAWN NAK 35:29

Israel chang avan, Bawipa am douthak law hlük ci phung naw law püi ci gui. Cun gui cu Moses am a bi vai ah ang thumkhän nak ung mang vai ah kyak ci.

NG'THU K'THUUK~ 7:14

“Kei naw tuh ngawi pektak nak ka bi pyi ci, khawihnah nak ah meh phi om ci,