TAIGÜTHUM 7:12 - Cho Bible Common Language 2016

¹² Chang tumat naw shin ah douthak nak cu, Khanpughi am yeikyai douthak nak ah a bi ah a kyak ung, ani naw a täng ah a pek vai. Khawihnah nak vai ah seime, k’caw kä shum ne douthak ah m’htut, olive situi awn m’htut den k’caw ne pyan ah m’htut ak shah, käcung olive situi awn pyan ah biskuit m’htut, käcung olive situi awn k’caw ne den ah keik m’htut.

TAIGÜTHUM 7:12 Referans Kwoze

KHEI NAK 6:15

Ani naw k’caw kä shum ne pyan ah m’htut dawn ät phi a douthak vai. Cun gui cu oliv situi awn k’caw pyan ah m’htut shah, oliv si-tui awn hläuh ah m’htut ang pam, la hlü ba ci gui ah douthak vai ah htang la sapyit tui gui ah kyak ci.

TAIGÜTHUM 2:4

M’htut douthak hlü ah a kyak ung meibum ung ng’shai vai. Cun cu k’caw kä shum en ah pyan vai. Cun cu m’htut den ak khui situi awn hläuh ne pyan ah m’htut, käcung situi awn shon ah m’htut ah kyak khai.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

EPHESIAN 5:20

Mi Bawipa Jesuh Khrit ah ming awn, amawng ama avan ung, Pa Khanpughi cu nami m’küito vai nei.

ROMAN 1:21

Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

LUKA 17:18

Khanpughi m’hlüngtai khai ah shin ah chang khui hei ah kawn ah a u kä om ba ne ma?” cine ng’shi gui ci.

LUKA 17:16

Cun kawn ah a kho pei ah m’khuuk doong ne kawp ne, abäkhäk ah mawng cu m’tamkhah ci.

HOSEA 14:2

Bawipa ah ng’hlat ba vä, shin ah taigü nak cu ani am nai douthak ah ky a sä. “Kami kat nak avan na m’geinsei gui ne, kami taigü na dou pe gui ä, Keimi naw kami shaitak ah mäih ah kami ning m’hlüngtai khai nei.

SAM 116:17

Kei naw m’hlüngtai ne khawihnah nak ka ning pek khai nei, ka taigü ka ning pek khai nei.

SAM 107:8

Bawipa ah ng’täi ciah am hni nak la ngami ah hmawk ah cäicat vai gui abi ah phäh ah m’hlüngtai u sä.

JEREMIAH 33:11

Zeikiai nak, hüithaw nak, hta m’um pawi ung yeikyai nak gui nami ng’zaba khai. Chang gui naw m’hlüngtai douthak nak kei ah Taigüim ah law püi ne ng’äi ami m’cu cu nami ng’yak khai; Ngami naw pyen khai gui, ‘M’gäi ciah Bawipa cu m’hlüngtai vä, a i ah kyasei ci ung ani cu nik ci, am hni nak cu ng’langtäi ci.’ Kei naw shin ah khaw cu a cau kaa ah mäih ah bühmang khai ah ka pyang khai, kei, Bawipa naw ka pyen nei.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

NEHEMIAH 12:43

Cun ah hnüüp ung khawihnah nak akda douthak u ne, chang gui cu akbe ah yei ci gui, a i ah kyasei ci ung ngami cu Khanpughi naw ang htei ah a yei sak gui ah kyak ci. Hnumi gui la a hmaw gui cu cun ah pawi ung yeikyai ci gui, ngami ami van ah m’lau cu a shou nak ah ka naw ng’yak vai kyak ci.

2 SHONTÄP NAK 33:16

Ani naw Bawipa khawihnah nak ah sonkiang phi pyang ba neta, acun ung khawtsheng douthak nak la m’hlüngtai douthak nak cu bi ne khawihnah ci. Israel Khanpughi Bawipa cu Judah chang avan naw ami khawihnah vai ah ani naw thumkhän ci.

2 SHONTÄP NAK 29:31

Hezekiah naw chang gui pyen nah gui ci, “Tuhbäi nangmi nami theingthap pyi ci, Bawipa yeikyai nak pi ah douthak ah khawihnah nak cu law püi vä.” Ngami naw ngai ci gui, chang amshah naw ami mät ah hmat ah m’khih ne douthak nak ah khawihnah nak ah seime cu law püi ci gui.

TAIGÜTHUM 22:29

Nangmi naw yeikyai nak ah khawihnah nak cu Bawipa am nami douthak law ung thungyo gui cu nak läk vai, cu ung nangmi cu ning dou gui khai.

TAIGÜTHUM 7:15

Seime ah asa cu acun awn khawihnah hnüüp ung ei vai. A ngawi ung khawngawi güt a i phi kä pawih nak vai.

TAIGÜTHUM 6:16

Ak pawih ba cu taigü gui naw ei ci gui. Cun cu k’caw kä shum ah ng’shai ah m’htut ah kyak ci. Bawipa ah om nak a hlüng nak ah Phung ung ei ci gui. Ei douthak nak ah angpai ah Bawipa naw taigü gui am a pek gui ah kyak ci. Cun cu ang htei ah theingcim ci, kat phyawn-douthak nak la thungba nak douthak ah mäih ah kyak ci.

TAIGÜTHUM 2:5

M’si k’am ung shon ah m’htut douthak hlü ah a kyak ung m’htut den cu situi awn hläuh ne pyan vai, k’caw kä shum vai.

AMOS 4:5

Hteit ma u ne nami m’htut cu Khanpughi am yeikyai nak ah nami douthak vai nei. Akdäm nami law püi ah khawihnah nak ah mawng cu nami shäu vai. Cun cu nangmi naw m’hni ne nami bi hlü ah kyak ci.