TAIGÜTHUM 7:1 - Cho Bible Common Language 2016

¹ Shin gui cu thungba nak douthak nak ah thungyo gui ah kyak ci. Cun gui cu ang htei ah theingcim ci.

TAIGÜTHUM 7:1 Referans Kwoze

TAIGÜTHUM 6:25

Aaron la a hta gui am katphyawn-douthak nak ah phäh ah shin ah thungyo gui na pek vai. Katphyawn douthak nak ah seime cu sonkiang ah alu täng ah ngawn vai. Cun cu m’khih ne douthak nak ah seime gui ngawn nak ung ah kyak ci. Shin cu ang htei ah theingcim ciah douthak ah kyak ci.

TAIGÜTHUM 5:14

Bawipa naw shin ah thungyo gui cu Moses am pek ci.

EZEKIEL 46:20

a pyen cu, “Shin ah hmun cu taigü gui naw katnak ah phäh ah khawihnah nak, käcung thungbanak-douthak nak ami shon nak la douthak ah m’htut ami ng’shai nak ah kyak ci. Cun ah kyasei chang gui natsak gui khai ah atheingcim cu cham ah k’pung ah kä law püi ah kyak ci.”

EZEKIEL 44:29

Htang-douthak nak, kat ah phäh ah douthak nak la thungba-douthak nak gui cu taigü ah ei vai ah kyak ci, Israel khaw ung kei ah phäh ah ami hei tha nü cu ngami ah gah vai ah kyak ci.

EZEKIEL 40:39

Cun ah luh nak ah akhan ung tawng lang phli om ci, akhan vangtäng ung hnih ciah kyak ci. Cun ah tawng lang gui ah khan ung, khawihnah nak ah douthak vai ni, apum lüng m’khih ne douthak vai ni, katnak ah phäh ah khawihnah nak vai la thungba douthak nak ah seme gui cu ngawn ci gui.

KHEI NAK 6:12

Amät ah khin cu Nazirit ah Bawipa ung ang ap ba vai. Ng’pyi pyi ciah a khin cu kä khei tu vai. A i ah kyasei ci ung ani ah ang ap nak ah lusam cu lelawi ci. Thung-ba-douthak nak ah ani naw kum ät lüng ciah htome hta cu a law püi vai.

TAIGÜTHUM 21:22

A cun ah mäih chang naw, kei am ami na thak law ah ei cu a ei vai. Theingcim ciah ei-douthak la atheingcim pikbäih ah ei-douthak avan ah kyak ci.

TAIGÜTHUM 5:11

Cun ah chang naw mümkha hnih, käcung mümhta hnih kä am hnüt hning ah a kyak ung, katphyawn douthak nak ah, m’htut den a pie a law püi vai. Cun cu oliv situi awn phi kä shawi vai, ang ui phi kä shum vai, a i ah kyasei ci ung cun cu katphyawn-douthak nak ah kyak ci, htang douthak nak ah kä kyak ci.

TAIGÜTHUM 5:8

Ani naw taigü am a thak law vai, taigü naw katphyawn douthak nak ah cun ah kha cu, douthak ma khai. Ani naw alu kä ci pit en nah ak hnü ten pit khai.

TAIGÜTHUM 5:7

Cun ah chang naw htome baw, me baw kä am hnüt hlawt ah a kyak ung, ani naw akatnak ah phäh ah Bawipa am a pek vai ah, müm kha hnih, käcung mümhta hnih a law püi vai. Tumat cu katphyawn ne douthak nak ah kyak khai, tumat cu m’khih ne douthak vai ah kyak khai.

TAIGÜTHUM 5:15

Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.

2 SHONTÄP NAK 31:14

Imnah ah htapa Kore, Levit chang cu Taigüim ah a kiangtäng m’kawt ngäng angvaipi cu Bawipa am ami pek ah m’cümhnah gui dou khai la a cun gui tei tawng khai ah angvaipi ah tha ci gui.