TAIGÜTHUM 6:6 - Cho Bible Common Language 2016

⁶ Ani naw thungba nak douthak ah Bawipa am pek vai ah kä kheihlik ciah htome baw, me baw ak hla cu, taigüpa ah a law püi vai. Cun cu aküikyang ah a phu ami k’bäi ah kyak khai.

TAIGÜTHUM 6:6 Referans Kwoze

TAIGÜTHUM 5:15

Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.

TAIGÜTHUM 5:18

Ani naw kä kheihlik ciah htome hla baw, me hla baw, thungba nak douthak ah taigüpa am a thak law vai. Cun ah a phu cu akükyang ah ami k’bäi ah kyak ci. Taigüpa naw katnak ah phäh ah khawihnah nak cu douthak khai, cun cu chang naw kä ngaih-tüh ah a katnak ah kyak ci, ani cu m’geinsei nak gah khai.

TAIGÜTHUM 5:7

Cun ah chang naw htome baw, me baw kä am hnüt hlawt ah a kyak ung, ani naw akatnak ah phäh ah Bawipa am a pek vai ah, müm kha hnih, käcung mümhta hnih a law püi vai. Tumat cu katphyawn ne douthak nak ah kyak khai, tumat cu m’khih ne douthak vai ah kyak khai.

TAIGÜTHUM 14:12

Cun kawn ah taigü naw htome hta tumat cu la ne, k’am ungka bum thum a ät situi awn a täng ah thungba nak douthak ah douthak khai. Ani naw taigü ah hmawk ah aktung ah m’cümhnah nak ah Bawipa am pek khai.

EZRA 10:19

Ngami naw ami chu gui ami nawng gui vai ah shaita u ne, ami kat ah phäh ah khawihnah nak htome hla tumat dou thak ci gui.

NEHEMIAH 10:35

Keimi naw kami khäm law htük ah pümhta la up law htük ciah kami sing theih cu akum tä sei Taigüim ah kami hteh püi khai.

EZEKIEL 40:46

a siiptäng ah mang ciah akhan cu sonkiang ung bi bik ci gui ah taigü gui ah phäh ah kyak ci. Taigü gui ami van cu Zadok ah ng’shon gui ah kyak ci; Levi pakhui ungka cu ngami bäng ah kyak ci, ngami cu Bawipa ah ma ung hteit ne abii bik khai ah ami k’bäi gui ah kyak ci.