TAIGÜTHUM 6:4 - Cho Bible Common Language 2016

^4-5 chang tumat cu shin gui ungka, tumat mat a kat ah a kyak ung, ani naw kä düng nak awn a gah phung cu, a pek ba vai. Ani cheishoh ciah ang hmat hnüüp ung, kaa nak ciam avan a pek ba vai, cun kawn ah bum hma ung bum ät awn am khah vai.

TAIGÜTHUM 6:4 Referans Kwoze

ZEPHANIAH 1:9

Khawshe khawihnah ci gui, m’gu ne, ngawn ne ami bawi ah im khawh be sak ci gui phi ka m’shet gui khai.

MIKHAH 2:2

Lai ami m’hni ung lai lak ci gui, im ami m’hni ung im lak ci gui, a u ah kyong khui khawh cham phi kä ng’geing ci.

AMOS 3:10

Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.

EZEKIEL 18:18

Vangtäng ah apa cu hleei ci, gut tep ci, Chang nü ah khan ah ak she bik ciah a kyak ung, ani cu amät ah bi ah hma nak awn sik ci.

EZEKIEL 18:12

Ani naw dukhaih ci gui m’hleei gui ci, guttep cik, ami kyän ah khawh phi kaa nak ci. Ani cu khogam khawih kiang ah hteit ci, shemshai ciah a gup gui khawihnah ci,

EZEKIEL 18:7

Ani cu kä thuvi khai, Chang ah kaa kä gut tep khai. Ani naw ami kyän law phi pe ba gui ci; cawi ci am ei m’bei ci, k’plui ciam sui m’sui ci.

JOB 24:2

Chang gui naw ami kho ang shawng vai ah khogii m’hnawn ci gui, htome gui m’gu u ne ami htome bum ung m’dawn ci gui.

JOB 20:19

A i ah kyasei ci ung ani naw dukhaih ci gui shedam na ne chang ah im cawh phi gut ci.

ATÜNNAK 21:25

Abimelek ah changshäm gui naw, ami ng’cuh ah tui shawk ah mawng pyen ne, Abimelek cu Abraham naw k’she nak ci.

TAIGÜTHUM 24:18

a u chang phi chang ah seime ngawn ci phung naw am thung vai. Thungyo cu hnun gui ah phäh ah hnun gui ah kyak ci.

TAIGÜTHUM 24:21

Seime ngawn ciah chang phung naw m’thung ba khai, cun ung phi chang ngawn cicu ngawn vai.

KHEI NAK 5:7

Ani naw akat nak ang kiaa vai, akbe ah ang lawh vai. Ani naw a cheishoh nak ah khan ah k’bum hma ung bum ät awn m’khah ne, a katnak ah chang am a pek vai.

EZEKIEL 33:15

avaisü ah, apu cu thung ba ne, am guuk cu pe ba gui ne — ani naw akat nak cu nawng ne, ghin nak pek ciah thukhän gui cu aläk ah akaik ung, ani cu kä sik khai, cun ung phi ghing khai.

MALAKHI 1:13

Nangmi naw, ‘Shin ah hmawk ah kami cümbawng ci!’ cine, kei ungka nami hnga cu nami m’hlat ci. Nangmi naw nami na pektak law ung nami m’guk ah akghing gui la akshum, akgaw gui cu nami law püi ci. Cun cu ka dou khai ah nami ngai ne ang?

TAIGÜTHUM 4:12

Phung ah akpung ah hteh püi ne, m’vut huk nak vai ah ami sei pyan nak ung, sing hnawn ah khan ah taih neta mei awn am khih vai.

NEHEMIAH 5:11

Ami pu gui avan cu nami nawng pe gui khai nei — ngui phi, htang phi, sapyit tui phi, olive tui phi. Ami lo gui, sapyitdum gui, olive-lo gui, ami im gui cu ang ghit ah mi pe ba gui khai nei!”

EZEKIEL 44:19

Ngami cu chang gui ah om nak, cham ah k’pung ah ami luh law vai ung, Taigüim kyong ah bii ami bi yah ung ami sui gui cu sut ma u neta, Atheingcim nak ah akhan ah nawng shüt khai gui. Ngami cu ahei sui sui khai gui, cun cu theingcim ciah ami sui naw chang gui kä a plawh gui vai ah ami khäm ah kyak ci.