TAIGÜTHUM 6:3 - Cho Bible Common Language 2016

³ chük ciah khawh ah phäh ah kä ka hmuk ci, cine, hleeihlak ne ng’taam ciah chang naw,

TAIGÜTHUM 6:3 Referans Kwoze

TAIGÜTHUM 19:12

Kä nami k’pan vai ung kei ah ming awn shaitak nak kä nami bi vai, cun naw kei ah ming khan ah thüisei nak law püi ci. Kei cu Bawipa, nami Khanpughi nei.

PHYAWN NAK 23:4

“Na ga ah a sei, ang se dawng sei na hmuh ah a kyak ung, pha ne na pek tu ba vai.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ZEKHARIAH 5:4

M’gäi ciah Bawipa naw a pyen cu, ani naw ng’phyun nak cu yuk chah lawk khai, a hleei pyen ne ng’phyun ciah im päng ung lut khai. Acun cu ami im gui ah kyong ah om neta, ngami cu akshe ah nawng gui khai.”

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

JEREMIAH 5:2

Nangmi naw Bawipa khawihnah vai ah nami pyen tupang ung phi, nami pyen ah kä nami bik ci nei.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

NG'THU K'THUUK~ 24:28

Cang nak ah amawng kä om ciah chang tumat hnungtuk püi ne, kä na saksi vai, ani ah mawng kä akni ah kä na pyen vai.

PHYAWN NAK 28:42

Khei ungka naw m’khuuk ung khüt sei ami sak vai ah chi tawi na pek gui vai, cun ung ngami cu kä lü ng’aa khai gui.

TAIGÜTHUM 1:16

Ani naw a ei paw la acun ungka gui cu la neta, sonkiang ah ak kyang lam m’vut phlu nak ung a ghawh vai.

TAIGÜTHUM 16:4

Cun kawn ah Bawipa naw shin ah m’shümthein nak gui cu pek ci. Aaron cu a theingcim nak pikbäih ung kä a hteh pha ung, tui angsi vai, taigü sui gui a sui vai, Linen suinu la chi, kheipat la lupawng gui a sui vai.

EZEKIEL 44:19

Ngami cu chang gui ah om nak, cham ah k’pung ah ami luh law vai ung, Taigüim kyong ah bii ami bi yah ung ami sui gui cu sut ma u neta, Atheingcim nak ah akhan ah nawng shüt khai gui. Ngami cu ahei sui sui khai gui, cun cu theingcim ciah ami sui naw chang gui kä a plawh gui vai ah ami khäm ah kyak ci.