TAIGÜTHUM 6:27 - Cho Bible Common Language 2016

²⁷ A u phi, a i phi, seime ah asa tawn ci phung cu, acun ah theingcim nak huham naw nat sak khai. Seime ah si naw ang peh ah suisak ungka phung cu a theingcim nak ung m’suu ba vai.

TAIGÜTHUM 6:27 Referans Kwoze

PHYAWN NAK 29:37

Shin cu a hnüüp tä hnüüp chih ung na bi vai. Cun kawn ah sonkiang cu akbe ah theingciim khai, a cun tawn ciah chang, tawn ci phung cu acun ah theingcim ciah huham naw theing sak khai.

2 KORIN 7:11

Nami thüisei nak ung Khanpughi ah bi bi cu teng vä! Nami k’thamah law pyi ci, nami katnak a theing ah mawng nami m’dang law pyi ci, nami m’lung k’she ah phäh ah nami ng’ä pyi ci, nami kyikyawk pyi ci, nami ng’ap pyi ci, cheishoh nak m’kat vai nami hmat pyi ci, a mawng avan ung katnak nami phyawn nak ah mawng nami mät naw nami m’dang pyi ci nei.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

MATTHE 9:21

“A suinu ah a pyai hta pang ka va tawk ung kei ka gai khai,” ci ne ngai ne, a yih pyai cu va tawk ci.

HAKKAI 2:12

Avaisü ah chang tumat naw, tehing ciah meh cu vawihpeh nak ungka la ne, a suinu awn hlawp ne law püi khäta, m’htut, buh, sapyit tui, situi la ei vai phung cu a suinu naw a tawn ah a kyak ung, cun gui cu theing tuk khai gui ang?” Acun ah ng’shi gui khäta taigü gui naw, “Ka nei” cik ci gui.

TAIGÜTHUM 11:32

Acun ah aksi gui ah pumsa naw a kyak shi phi kä theingcim ci. Shin ah thungyo naw am dang cu sing, suisak, savun, samu ah khan ah a kyak shi ung phi, kä mang düt vai, cun cu tui ung hnawm vai. Cun ung phi cun cu mühun güt ung kä theingcim ci.

TAIGÜTHUM 6:18

Angtäi sei Aaron ah ng’shon pami cu law ne, Bawipa am douthak ah ei, ngami ah chaw phung cu ei ci. Ei-douthak nak tawn ciah chang phung cu ani ah theingcim nak ah huham naw nat sak khai.

PHYAWN NAK 30:29

A shin gui cu a shin ah mäih ah na ap ah a kyak ung, cun gui cu akbe ah theingciim khai gui. A cun tawn ciah chang, a cun tawn ci phung cu a cun ah theingciim ciah huham naw m’hawp khai.

MATTHE 14:36

Cun kawn ah gawpai ci gui naw Bawipa asui pyai hta bawtah ami tawn tu vai ah ng’yoi lawk ci gui. Cun ah tawh tuk ciah chang gui phung cun phi, gai ba ci gui.

TAIGÜTHUM 7:19

Cun ah a sa cu kä theingcim ci awn ang dawn ah a kyak ung, kä ei vai, mei ung m’khih vai. Akcang ah theingcim ciah chang naw cun ah sa cu a ei vai.

EZEKIEL 44:19

Ngami cu chang gui ah om nak, cham ah k’pung ah ami luh law vai ung, Taigüim kyong ah bii ami bi yah ung ami sui gui cu sut ma u neta, Atheingcim nak ah akhan ah nawng shüt khai gui. Ngami cu ahei sui sui khai gui, cun cu theingcim ciah ami sui naw chang gui kä a plawh gui vai ah ami khäm ah kyak ci.