TAIGÜTHUM 6:22 - Cho Bible Common Language 2016

²² Lawk ciah akhin avan ung shin ah douthak nak cu taigütung ah kiane, bii bik ciah Aaron ah htangshon päng ah bi ah kyak ci. Cun cu Bawipa am khawihnah nak ah kyasei avan m’khih yawp vai.

TAIGÜTHUM 6:22 Referans Kwoze

HEBRU 7:23

Cun kawn ah kä a täng nak cu; ahei taigü akda gui cu sik ci guiah kya ne, ami bi kä bi ba hlawt ci gui.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

THULÄÄN NAK 10:6

(Israel gui cu Judean chang gui ah khäm ah tui shawk ungka naw Moses ah ah hteit ci gui. A cu ah Aaron si sei m’cim ci gui. A hta Eleazar cu apa ah hnün ung taigü ah kya ba ci.

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

TAIGÜTHUM 6:21

Cun cu situi awn k’caw vai, m’sii k’am ung shon vai, cun kawn ah chem neta, htang douthak ah pek vai. Ang ui cu Bawipa naw yeikyai nak ci.

TAIGÜTHUM 6:23

Taigü naw a bi ah htang douthak nak cu api ah phi kä ei vai, avan m’khih vai.

TAIGÜTHUM 4:24

Ani naw acun ah lu ah khan ah a kut taih neta, sonkiang ah a lu täng ung a ngawn vai. Cun cu m’khih ne douthak nak ah seime gui ami ngawn nak ah kyak ci. Shin cu katnak nawt heng nak ah douthak nak ah kyak ci.

TAIGÜTHUM 6:10

Cun kawn ah taigü naw linen suinu sui ne, linen k’chi sa neta, sonkiang khan ung situi ah ng’shüi ciah m’vut cu heng ne sonkiang ah ang leng ung a tha vai.

TAIGÜTHUM 6:11

Cun kawn ah ani naw a suisak ng’thong neta, m’vut cu la ne Phung ah k’pung ah atheingcim nak ah hmun ung a tha vai.

HOSEA 4:8

Kei ah ka chang gui ah shetkat nak awn nangmi nami bühmang lawk ci. Cun ah kyasei nangmi naw nami shetkat law pi vai nami ng’ya hlük ci.