TAIGÜTHUM 6:21 - Cho Bible Common Language 2016

²¹ Cun cu situi awn k’caw vai, m’sii k’am ung shon vai, cun kawn ah chem neta, htang douthak ah pek vai. Ang ui cu Bawipa naw yeikyai nak ci.

TAIGÜTHUM 6:21 Referans Kwoze

TAIGÜTHUM 2:5

M’si k’am ung shon ah m’htut douthak hlü ah a kyak ung m’htut den cu situi awn hläuh ne pyan vai, k’caw kä shum vai.

TAIGÜTHUM 7:9

Meibum ung ng’shai, hlaw k’am ung hlaw la m’sii k’am ung hlaw ah htang douthak phung cu, acun Khanpughi am douthak ciah taigü naw khäm ci.

1 SHONTÄP NAK 9:31

Mattithi ah ming nak ciah Levit cu Korah pahta, Shallum ah hta angvaipi ah kyak ci, ani naw m’htut shai ne douthak nak cu pyang tham ci.

TAIGÜTHUM 6:22

Lawk ciah akhin avan ung shin ah douthak nak cu taigütung ah kiane, bii bik ciah Aaron ah htangshon päng ah bi ah kyak ci. Cun cu Bawipa am khawihnah nak ah kyasei avan m’khih yawp vai.

TAIGÜTHUM 7:12

Chang tumat naw shin ah douthak nak cu, Khanpughi am yeikyai douthak nak ah a bi ah a kyak ung, ani naw a täng ah a pek vai. Khawihnah nak vai ah seime, k’caw kä shum ne douthak ah m’htut, olive situi awn m’htut den k’caw ne pyan ah m’htut ak shah, käcung olive situi awn pyan ah biskuit m’htut, käcung olive situi awn k’caw ne den ah keik m’htut.

1 SHONTÄP NAK 23:29

Cun kawn ah ami m’htei vai cu, Khanpughi am ami douthank ah m’htut, douthak vai ami pyan ah m’htut den, k’caw kä shum ah m’htut ket, douthak ah m’htut ng’shaai, oliv-situi awn ami k’caw ah m’htut den; Taigüim ung douthak gui khin ne nän ne bi gui;

TAIGÜTHUM 11:33

Cun ah pumsa cu m’dek am mah khan ah a kyak ung, acun ah kyong ah om ci phung cu kä theingcim ci, k’am cu m’sheiuh vai.

TAIGÜTHUM 15:12

Cun ah chang naw a tawn ah m’dek am phung cu m’sheiuh vai, a tawn ah sing k’bei phung cu m’si ba ge vai.