TAIGÜTHUM 6:20 - Cho Bible Common Language 2016

²⁰ Aaron tuu taigüpa gui phyuh theh nak vai ah hmawk ah kyak ci. Ani phyuh theh vai hnüüp ung, ani naw htang k’den apie pe ne Bawipa am douthak nak abi vai. Cun cu a hnüp tä htang douthak nak bi chü ah kyak ci. Khawngawi ah amshah, mühun ah amshah ah kyak ci.

TAIGÜTHUM 6:20 Referans Kwoze

PHYAWN NAK 29:2

K’caw kä shum ah k’htang deen, amshah cu olive situi awn shon ah m’htut, amshah cu situi awn kä shon, la situi awn m’thau ah m’htut ang pam gui cu na mang vai.

PHYAWN NAK 16:36

(Ngami ah nän nak ah a ät cu liter 20 ah kyak ci, liter a ät cu apie awn ng’lawn ci.)

HEBRU 7:27

Ani cu a hei taigütung gui awn kä täng ci, Amät ah cheishoh nak la chang hei gui ah cheishoh nak ah hmawk ah ak hnüüp tä sei küikyan nak vawihpeh vai kä hlü ci. A i ah kyasei ci ung amät naw amät apeit sang ung hnü ät ge ang bäng ah ang ap ah hmawk ah kyak ci.

HEBRU 5:1

Taigü Tung nak cicu cheishoh nak ah hmawk ah phiawn nak vai la küikyan nak vai, chang van ah hmawk ah phyuhteh ne Khanpughi ah khuut bik khai ah ghü ne ami m’düih ah kyak ci.

KHEI NAK 28:10

Shin ah m’khih ne douthak nak cu kyin hnüüp päng ung douthak vai, sapyit tui douthak nak awn a hnüüp tä douthak nak k’be nak ah kyak ci.

KHEI NAK 28:3

Shin gui cu Bawipa am pek vai ah ei-douthak gui ah kyak ci: a hnüüp tä lüng ciah htome m’ca hnih,

TAIGÜTHUM 5:11

Cun ah chang naw mümkha hnih, käcung mümhta hnih kä am hnüt hning ah a kyak ung, katphyawn douthak nak ah, m’htut den a pie a law püi vai. Cun cu oliv situi awn phi kä shawi vai, ang ui phi kä shum vai, a i ah kyasei ci ung cun cu katphyawn-douthak nak ah kyak ci, htang douthak nak ah kä kyak ci.

TAIGÜTHUM 5:1

Katphyawn-douthak nak gui cu aka ah a mawng ma gui ung hlü ci. Chang tumat cu yung ah saksi khai ah k’thäh u khäta, a hmuh ang yak ah mawng cu kä pyen ne a om ah a kyak ung, acun ah akat nak cu amät naw chaw nak khai.

TAIGÜTHUM 6:19

Bawipa naw Moses am shin ah thungyo gui a pek cu

TAIGÜTHUM 23:13

Acun awn a täng ah m’htut den koi phli cu, olive situi awn k’caw ne nami pek vai. Shin ah douthak nak ah ang ui cu Bawipa naw yeikyai nak ci. Acun awn a täng ah sapyit tui um ät cun phi, douthak ne nami pek vai.

KHEI NAK 4:16

Eleazar, taigü Aaron ah hta cu Phung avan ma na ne bik khai kyak ci. Mei im ah phäh ah situi, tui ng’ui, htang-douthak, phyutheh nak situi, la Phung kyong ah om ci phung cu Bawipa am ami pek ah kyak ci.

1 SHONTÄP NAK 23:29

Cun kawn ah ami m’htei vai cu, Khanpughi am ami douthank ah m’htut, douthak vai ami pyan ah m’htut den, k’caw kä shum ah m’htut ket, douthak ah m’htut ng’shaai, oliv-situi awn ami k’caw ah m’htut den; Taigüim ung douthak gui khin ne nän ne bi gui;

TAIGÜTHUM 6:11

Cun kawn ah ani naw a suisak ng’thong neta, m’vut cu la ne Phung ah k’pung ah atheingcim nak ah hmun ung a tha vai.