TAIGÜTHUM 6:19 - Cho Bible Common Language 2016

¹⁹ Bawipa naw Moses am shin ah thungyo gui a pek cu

TAIGÜTHUM 6:19 Referans Kwoze

PHYAWN NAK 29:2

K’caw kä shum ah k’htang deen, amshah cu olive situi awn shon ah m’htut, amshah cu situi awn kä shon, la situi awn m’thau ah m’htut ang pam gui cu na mang vai.

TAIGÜTHUM 6:18

Angtäi sei Aaron ah ng’shon pami cu law ne, Bawipa am douthak ah ei, ngami ah chaw phung cu ei ci. Ei-douthak nak tawn ciah chang phung cu ani ah theingcim nak ah huham naw nat sak khai.

TAIGÜTHUM 6:20

Aaron tuu taigüpa gui phyuh theh nak vai ah hmawk ah kyak ci. Ani phyuh theh vai hnüüp ung, ani naw htang k’den apie pe ne Bawipa am douthak nak abi vai. Cun cu a hnüp tä htang douthak nak bi chü ah kyak ci. Khawngawi ah amshah, mühun ah amshah ah kyak ci.

TAIGÜTHUM 6:9

m’khih ne douthak nak ah mawng shin ah thungyo gui cu, Aaron la a hta gui am na pek vai, m’khih ne douthak nak cu khomü pum ung sonkiang khan ung tha vai, mei phi acun ui lä khai ah m’khih vai.

TAIGÜTHUM 10:18

Cun ah si cu theing ciah Phung kyong ah kä law püi man nei, kei ah thumkhän ah mäih ah khawihnah nak cu acu ah nami ei yawp vai.”

KHEI NAK 18:9

Atheing thap pikbäih ah douthak sonkiang ung kä m’khih ah shin ah ak ka ungka gui cu nangmi ah khäm vai ah kyak ci. Htang douthak nak, katphyawn douthaknak la thung ba nak douthak nak, theingthap ciah douthak kei ung ami na pek law päng cu nang la na hta gui ah khäm ah kyak ci.

KHEI NAK 18:27

Shin ah aktung ah pektak cu lai bi ci naw htang akthai la sapyit akthai a douthak awn täng ciah k’bäi ah kyak ci.

EZEKIEL 42:13

Cun ah chang naw na pyen nak ci, “Shin ah im goi cu Theingcim ci. A shin goi ah kyong ah Bawipa ah ma ah va lut ciah taigü gui naw aktheing pibäih ah douthak nak cu ei ci gui. Cun gui cu htang-douthak, katnak ah phäh ah douthak ah khawihnah nak la thungnak-douthak nak gui ah kyak ci.