TAIGÜTHUM 6:18 - Cho Bible Common Language 2016

¹⁸ Angtäi sei Aaron ah ng’shon pami cu law ne, Bawipa am douthak ah ei, ngami ah chaw phung cu ei ci. Ei-douthak nak tawn ciah chang phung cu ani ah theingcim nak ah huham naw nat sak khai.

TAIGÜTHUM 6:18 Referans Kwoze

KHEI NAK 18:10

Nangmi naw shin gui cu atheing hmun ung nami ei vai. Cun gui cu pami bäng naw a ei vai, theingcim ciah nami k’bäi vai.

TAIGÜTHUM 6:29

Shin ah douthak ah ei cu taigü kyong pami gui naw ami ei vai. Cun cu ang htei ah theingcim ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

1 PETER 1:16

“Kei cu ka theingcim ci kyasei, nangmi phi nami theingcim vai nei,” ciah cacim naw pyein ci.

TAIGÜTHUM 6:27

A u phi, a i phi, seime ah asa tawn ci phung cu, acun ah theingcim nak huham naw nat sak khai. Seime ah si naw ang peh ah suisak ungka phung cu a theingcim nak ung m’suu ba vai.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

PHYAWN NAK 29:37

Shin cu a hnüüp tä hnüüp chih ung na bi vai. Cun kawn ah sonkiang cu akbe ah theingciim khai, a cun tawn ciah chang, tawn ci phung cu acun ah theingcim ciah huham naw theing sak khai.

1 KORIN 9:13

Pum im kyong ah bi bik ciah chang naw pum im kyong ah ei vai gah ci, Mang kyang ung khawihhah ciah chang naw, mang kyang ung khawihnah nak cu gah tuk ci, cicu akcang ah nami hmat ci nei.

TAIGÜTHUM 6:19

Bawipa naw Moses am shin ah thungyo gui a pek cu

TAIGÜTHUM 7:6

Taigü kyong pami phung naw cun cu a ei vai. Cun ung phi cun cu a theingcim nak ung ei vai, a i ah kyasei ci ung cun cu ang htei ah theingcim ci.

KHEI NAK 18:8

Bawipa naw Aaron cu pyen nak ci, nami shüm vai aktung ah kei am ami na pek nak ungka m’khih ne khawihnah nak ah kä kyak ci phung avan cu nangmi am ka ning pe gui ci. Kei naw shin gui cu nangmi la nami htangshon gui am khonglän ung m’hnüt nak ah kyak khai ah ka ning pe gui ci.

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

TAIGÜTHUM 4:24

Ani naw acun ah lu ah khan ah a kut taih neta, sonkiang ah a lu täng ung a ngawn vai. Cun cu m’khih ne douthak nak ah seime gui ami ngawn nak ah kyak ci. Shin cu katnak nawt heng nak ah douthak nak ah kyak ci.

TAIGÜTHUM 4:33

Acun ah khan ah ani naw a kut taih neta, sonkiang ah alu täng ah a ngawn vai, cun cu m’khih ne douthak nak ah seime gui ngawn nak ah kyak ci.

TAIGÜTHUM 6:10

Cun kawn ah taigü naw linen suinu sui ne, linen k’chi sa neta, sonkiang khan ung situi ah ng’shüi ciah m’vut cu heng ne sonkiang ah ang leng ung a tha vai.