TAIGÜTHUM 6:15 - Cho Bible Common Language 2016

¹⁵ Ani naw m’htut den shum ät la situi cu la ne, tui ng’ui awn sonkiang khan ah m’khih ci, cun cu Bawipa am avan douthak ah bi ah kyak ci. Cun ah douthak ah ang ui cu Bawipa naw yeikyai nak ci.

TAIGÜTHUM 6:15 Referans Kwoze

TAIGÜTHUM 2:9

Taigüpa naw amshah cu lak khai, cun cu Bawipa am avan douthak ah m’hnüt nak ah kyak khai, ani naw sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

TAIGÜTHUM 6:14

Shin gui cu htang douthak nak ah thungyo gui ah kyak ci. Aaron taigüpa gui naw Bawipa am htang douthak nak cu sonkiang ah ma täng ung ami bi vai.

PHYAWN NAK 27:21

Aaron la a hta gui naw kei ah om nak ah phung ah kyong ah mei im ami m’däi vai, cun cu yihdung ah akpung, Thukhän M’küm ah a ma ah kyak ci. Acun ah kei ah ma ah mühun ung tün ne khaw ngawi ung khüt sei, ami m’däi vai nei. Shin ah thumkhän cu Israel gui la ami hta ng’shon gui naw ngawiyä ami läk vai ah kyak ci nei.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.