TAIGÜTHUM 6:14 - Cho Bible Common Language 2016

¹⁴ Shin gui cu htang douthak nak ah thungyo gui ah kyak ci. Aaron taigüpa gui naw Bawipa am htang douthak nak cu sonkiang ah ma täng ung ami bi vai.

TAIGÜTHUM 6:14 Referans Kwoze

KHEI NAK 15:4

Bawipa am m’khih ne douthak vai ah htome hta, kä cun ung, me hta law püi ciah chang phung naw seime tumat ci awn a täng ah Htang douthak vai ah m’htut den a pye, oliv situi khap ät awn k’caw la sapyit tui khap ät a law püi vai.

JOHAN 6:32

Bawipa Jesuh naw, “Kei naw akcang ka pyein cu Moses ah ning peit gui ah m’htut cu, khankho ah kaa ei awk ah kä kyak ci, Kapa Khanpughi naw a ning peit gui cu, khankho ah kaa m’htut akcang ah kyak ci.

KHEI NAK 15:9

Htang douthak nak ah m’htut den pye thum cu, oliv situi khap goi awn k’caw ne peik vai.

KHEI NAK 15:6

Htome m’ca awn douthak law vai a kyak ung, m’htut den pye goi, oliv situi khap goi awn k’caw ne, htang douthak nak ah peik vai.

TAIGÜTHUM 6:13

Sonkiang khan ah mei cu angtäi sei ui khai, kä si phung khai.

TAIGÜTHUM 6:15

Ani naw m’htut den shum ät la situi cu la ne, tui ng’ui awn sonkiang khan ah m’khih ci, cun cu Bawipa am avan douthak ah bi ah kyak ci. Cun ah douthak ah ang ui cu Bawipa naw yeikyai nak ci.

TAIGÜTHUM 10:12

Moses naw Aaron la om ba ciah a hta goi Eleazar la Ithamar am, “Bawipa am ei-douthak ungka pawih ciah htang-douthak cu na lak vai, acun awn k’caw kä shum ah m’htut cu pyang neta, sonkiang pei ah nami ei vai, a i ah kyasei ci ung cun ah douthak cu anghtei ah theingcim ciah kyak ci.

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 1:17

Ani naw ang phia gui ung k’pang ne apum cu hleei ne, ang phia cu kä hleei en neta, avan cu sonkiang khan ah am khih vai. Cun ah ei-douthak ah ang ui cu Bawipa naw yeikyai nak ci.

1 SHONTÄP NAK 9:31

Mattithi ah ming nak ciah Levit cu Korah pahta, Shallum ah hta angvaipi ah kyak ci, ani naw m’htut shai ne douthak nak cu pyang tham ci.