TAIGÜTHUM 6:12 - Cho Bible Common Language 2016

¹² Sonkiang khan ah mei cu a uih lä vai, kä a sih phung en vai. A khawngawi tä sei taigü naw mei ung sing am sui ba vai. M’khih ne douthak nak cu a bi vai. Hmuhchum douthak nak ah a thau am khih vai.

TAIGÜTHUM 6:12 Referans Kwoze

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

HEBRU 10:27

Mikmi naw m’khoichaa nak la Khanpughi hnungtuk püi ciah chang gui m’khih gui khai ah meiksam cu kyih en vüih vüih ne mi ngäng khai ah kyak ci nei.

TAIGÜTHUM 6:9

m’khih ne douthak nak ah mawng shin ah thungyo gui cu, Aaron la a hta gui am na pek vai, m’khih ne douthak nak cu khomü pum ung sonkiang khan ung tha vai, mei phi acun ui lä khai ah m’khih vai.

TAIGÜTHUM 6:11

Cun kawn ah ani naw a suisak ng’thong neta, m’vut cu la ne Phung ah k’pung ah atheingcim nak ah hmun ung a tha vai.

TAIGÜTHUM 6:13

Sonkiang khan ah mei cu angtäi sei ui khai, kä si phung khai.

EZEKIEL 40:46

a siiptäng ah mang ciah akhan cu sonkiang ung bi bik ci gui ah taigü gui ah phäh ah kyak ci. Taigü gui ami van cu Zadok ah ng’shon gui ah kyak ci; Levi pakhui ungka cu ngami bäng ah kyak ci, ngami cu Bawipa ah ma ung hteit ne abii bik khai ah ami k’bäi gui ah kyak ci.