TAIGÜTHUM 6:10 - Cho Bible Common Language 2016

¹⁰ Cun kawn ah taigü naw linen suinu sui ne, linen k’chi sa neta, sonkiang khan ung situi ah ng’shüi ciah m’vut cu heng ne sonkiang ah ang leng ung a tha vai.

TAIGÜTHUM 6:10 Referans Kwoze

TAIGÜTHUM 16:4

Cun kawn ah Bawipa naw shin ah m’shümthein nak gui cu pek ci. Aaron cu a theingcim nak pikbäih ung kä a hteh pha ung, tui angsi vai, taigü sui gui a sui vai, Linen suinu la chi, kheipat la lupawng gui a sui vai.

THU PHLAAN 19:14

Khankho gakaap gui naw, ak theing bäng bäng sui u ne, ng’se bawk bäng bäng ng’cum u ne a hnu ah läk ci gui.

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)

THU PHLAAN 7:13

Aghampa gui ungka tumat naw, “Suinu a bawk bäng bäng sui ci gui cu, a u gui ang? A hawi kaa lawk ci gui ang? cine nang shik ci. Kei naw, “Bawipa aw, kei naw kä ka hmat ci nei, nang naw va na hmat ci” cine ka m’shang tuba ci.

SAM 37:20

Cun ung phi changshe gui cu sih yawp khai gui; Bawipa ah a gaa gui cu chei ah maih ah thum ne, mei khu ah mäih ah maih khai gui.

SAM 20:3

Na pektaak phung cu ning dou pe sä, Na khawihnah nak avan ung yeikyai nak om sä.

KHEI NAK 16:35

Cun kawn ah Bawipa naw mei yuk chah sei, acun däi law ne tui ng’ui pek ciah chang 250 cu ui gui ci.

KHEI NAK 16:21

“Shin ah chang gui ah hnu ah ng’shawng ne ng’düi ni ä. Kei naw akten ah ka m’di law gui khai nei” cik ci.

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 4:12

Phung ah akpung ah hteh püi ne, m’vut huk nak vai ah ami sei pyan nak ung, sing hnawn ah khan ah taih neta mei awn am khih vai.

TAIGÜTHUM 6:11

Cun kawn ah ani naw a suisak ng’thong neta, m’vut cu la ne Phung ah k’pung ah atheingcim nak ah hmun ung a tha vai.

TAIGÜTHUM 8:2

“Aaron la a hta gui cu kei ah om nak ah Phung ung valuh nak ung na law püi gui vai. Taigü suinu gui, hluk nak ah situi, katphyawn-douthak nak vai ah vantang nong, htome akhla hnih, la k’caw kä shum ah m’htut dawn ät cu nami law püi vai.

EZEKIEL 44:19

Ngami cu chang gui ah om nak, cham ah k’pung ah ami luh law vai ung, Taigüim kyong ah bii ami bi yah ung ami sui gui cu sut ma u neta, Atheingcim nak ah akhan ah nawng shüt khai gui. Ngami cu ahei sui sui khai gui, cun cu theingcim ciah ami sui naw chang gui kä a plawh gui vai ah ami khäm ah kyak ci.

TAIGÜTHUM 2:11

Htang douthak Bawipa am nami pek law phung cu, k’caw awn kä pyan en vai. Bawipa am douthak vai ah ei ung k’caw la khoitui kä nami shum phung vai.

TAIGÜTHUM 6:18

Angtäi sei Aaron ah ng’shon pami cu law ne, Bawipa am douthak ah ei, ngami ah chaw phung cu ei ci. Ei-douthak nak tawn ciah chang phung cu ani ah theingcim nak ah huham naw nat sak khai.

TAIGÜTHUM 6:22

Lawk ciah akhin avan ung shin ah douthak nak cu taigütung ah kiane, bii bik ciah Aaron ah htangshon päng ah bi ah kyak ci. Cun cu Bawipa am khawihnah nak ah kyasei avan m’khih yawp vai.

TAIGÜTHUM 21:22

A cun ah mäih chang naw, kei am ami na thak law ah ei cu a ei vai. Theingcim ciah ei-douthak la atheingcim pikbäih ah ei-douthak avan ah kyak ci.