TAIGÜTHUM 5:6 - Cho Bible Common Language 2016

⁶ Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

TAIGÜTHUM 5:6 Referans Kwoze

TAIGÜTHUM 4:28

ani ah cuun ngaih nak cu katnak ah a kyak ah a kyak ung ani naw a douthak vai ah kä kheihlik ciah me akhik cu a law püi vai.

TAIGÜTHUM 4:32

Chang tumat naw katnak ah phäh ah douthak vai ah htome a law püi ah a kyak ung kä kheihlik ciah akhik ah kyak khai.

EZEKIEL 42:13

Cun ah chang naw na pyen nak ci, “Shin ah im goi cu Theingcim ci. A shin goi ah kyong ah Bawipa ah ma ah va lut ciah taigü gui naw aktheing pibäih ah douthak nak cu ei ci gui. Cun gui cu htang-douthak, katnak ah phäh ah douthak ah khawihnah nak la thungnak-douthak nak gui ah kyak ci.

EZEKIEL 40:39

Cun ah luh nak ah akhan ung tawng lang phli om ci, akhan vangtäng ung hnih ciah kyak ci. Cun ah tawng lang gui ah khan ung, khawihnah nak ah douthak vai ni, apum lüng m’khih ne douthak vai ni, katnak ah phäh ah khawihnah nak vai la thungba douthak nak ah seme gui cu ngawn ci gui.

TAIGÜTHUM 6:6

Ani naw thungba nak douthak ah Bawipa am pek vai ah kä kheihlik ciah htome baw, me baw ak hla cu, taigüpa ah a law püi vai. Cun cu aküikyang ah a phu ami k’bäi ah kyak khai.

TAIGÜTHUM 4:20

Ani naw katnak-douthak nak abi ah mäih ah a shin ah vantang awn bik khai, a shin ah mäih ah chang gui ah katnak ah phäh ah ani naw khawihnah nak cu bik khai, ngami cu m’geinsei nak gah khai gui.

KHEI NAK 6:12

Amät ah khin cu Nazirit ah Bawipa ung ang ap ba vai. Ng’pyi pyi ciah a khin cu kä khei tu vai. A i ah kyasei ci ung ani ah ang ap nak ah lusam cu lelawi ci. Thung-ba-douthak nak ah ani naw kum ät lüng ciah htome hta cu a law püi vai.

EZEKIEL 44:27

cun kawn ah ani cu Taigüim ah akyong täng cham ung hteit ne, a theingthap nak vai ah khawihnah nak cu a douthak vai, cun kawn ah ani cu Taigüim kyong ah bii bi ba hning ci. Kei, uktu Bawipa naw ka pyen nei.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

TAIGÜTHUM 4:35

Hmuhchum-douthak nak ah htome ah thau lak ah mäih ah ani naw cun ah thau avan cu a lak vai. Bawipa am pek ah ei-douthak nak ah sonkiang awn ng’däih khai ah am khih vai. Ashicha ah taigüpa naw chang ah katnak ah phäh ah khawihnah nak cu a douthak vai, ani cu m’geinsei nak gah khai.