TAIGÜTHUM 5:4 - Cho Bible Common Language 2016

⁴ Chang tumat cu kä ngaih nak ah ang taam ah a kyak ung, a i ah mawng ah a kyak ung phi, cun bik ciah a hmat vai am ani cu cheishoh ciah kyak ci.

TAIGÜTHUM 5:4 Referans Kwoze

LAMKTU 23:12

A ngawi ung kho ngawi Judah chang amshah gui cu ng’cut ne ng’hmuh u netah, Paul kä mi ngawn pha ah chuih a i phi kä ei auk ah mi om khai cine k’bäi ci gui.

MAKUH 6:23

Kei naw ka uknak ah kho a teih phi k’bou ne ka ning pek khai nei” cine ng’thu khän ne pyein ci.

SUKI GUI 11:31

Kei na hmuk khai ah ka im ah law htük bäih ciah chang cu m’khih ne douthak nak ah ka ning pek khai nei. Kei näng nak awn ka law ba ah a kyak ung, kei naw cun ah chang cu khawihnah nak ah ka ning douthak khai nei” cik ci.

1 SAMUEL 25:22

Khaw kä thai pha sei shin ah chang gui tumat phi kä om ba khai ah kä ka ngawn yawp ung, Khanpughi naw ka sik khai ah na that sä!” cik ci.

KHEI NAK 30:8

Cun ung phi a cei naw ng’ya tu neta, ang khäntam kä a be hnga vai ah amaa nak ah a kyak ung, ani naw cun cu akpam khek vai kä hlü ci. Bawipa naw m’geinsei khai.

MATTHE 14:9

Herod mang cu ang htei ah a yä pang ne phi, khin chang gui ah ma ah khän ne a pyein pyi ah kyasei, hnumi hta naw a pyein ah mäih ah pek vai ah bäi ci.

MATTHE 14:7

Cun ah kyasei Herod naw cun ah hnumi hta-am, “Nam hni a i phi ng’yoi ä, ka ning pek khai,” cine khän ne pyen nak ci.

2 GHANGPUGHANG GUI 6:31

Ani naw, “Khohni kä ah hang luh pha ung Elisha ah lu kä a pit ah a kyak ung Khanpughi naw na m’shih sä!” cine ng’taam ci.

2 SAMUEL 21:7

Cun ung phi ani la Jonathan naw theing ciah shaitak ani bi om ci kyasei, Saul a tu Jonathan ah hta, Mephibosheth cu David naw k’pawih nak ci.

1 SAMUEL 1:11

Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

SUKI GUI 21:18

Cun ung phi mikmi naw mi hta hnumi gui kämi chu na sak gui hning khai, a i ah kyasei ci ung, Benjamin am a hta hnumi chu nak sak ci phung tamnak gah khai ah mi tam pyi ah kyak ci.”

SUKI GUI 21:7

K’pawih ba ciah Benjamin pami gui ah ami chu vai cu a i hawk cha ah mi bik khai ang? Mikmi naw kami hta hnumi gui ngami am kä kami chu na sak khai cine, küikyang ciah shatak Bawipa ung mi bi pyi ci nei” cik ci gui.

SUKI GUI 9:19

Tuhbäi, tuhngawi nangmi naw Kideon la akyongchang ah khan ah nami bi cu dung ne nik ciah a kyak ung Abimelek awn nami yeikyai khai, ani phi nangmi awn yeikyai khai.

JOSHUA 9:15

Joshua naw Kibeon chang gui awn hmuhchum nak bi neta, om tu sak gui ci. Israel chang bum ah ami ng’vai gui naw hmuhchum nak bi vai ah khäng ciah shaitak pe gui ci gui.

JOSHUA 2:14

Cun ah chang naw hnumi am, “Kami pyen ah mäih ah kä kami bi ah a kyak ung Khanpughi naw kami ghin nak cu la sä! Keini naw kani bi gui cu a u am kä na m’thein ah a kyak ung keini naw shaitak ka ni ning pek ci, Bawipa naw shin ah khaw ana pek law gui ah a kyak ung, keimi naw akni ah kami ning m’htei khai.

KHEI NAK 30:6

Kä ceimah ciah hnumi naw khäntam nak abi ah a kyak ung, ngaih-tüh ne käcung kä ngaihtüh ah, käcung a i baw hlawi hlek vai ah shaitak neta, cun kawn ah a ceimah ah a kyak ung,

TAIGÜTHUM 5:3

Chang tumat naw kä ngaih-tüh ah kä theingcim ciah chang ah shämtawng a tawn ah a kyak ung, a i ah a kyak ung phi, cun bik ciah a hmat vai am ani cu cheishoh ciah kyak ci.

TAIGÜTHUM 5:13

A shicha ah taigüpa naw chang ah katnak ah phäh ah khawihnah nak douthak khai, cun ung ani cu m’geinsei nak gah khai. Pawih ba ciah m’htut den cu taigüpa naw yawk khai, cun cu htang douthak nak ah kyak ci.

SAM 106:33

Ani cu m’thüi aih u khäta, ani naw kä ng’düm phung ne kä ngaih-tüh ling ah ng’thu pyen ci.