TAIGÜTHUM 5:2 - Cho Bible Common Language 2016

² Chang tumat naw kä ngaih-tüh ah kä theingcim ciah khisa aksi a tawn ah a kyak ung, ani cu kä theingcim ciah kyak ci, cun bik ciah a hmat vai am ani cu cheishoh ciah kyak ci.

TAIGÜTHUM 5:2 Referans Kwoze

TAIGÜTHUM 5:17

Chang tumat naw kä ngaih-tüh ah Bawipa ah thumkhän tumat mat m’shet ne a kat ah a kyak ung, ani cu cheishoh ciah kyak ci. Ani naw a kat ah phäh ah a pek vai kyak ci.

THULÄÄN NAK 14:8

Vawk kä nami ei vai, vawk cu kä theingthap ciah kyak ci. Ami khopaw ng’kye ci, cun ung phi ami ei kä m’däuh ci gui. Shin ah khisa gui kä nami ei vai; sik ciah apumsa phi kä nami tawn en vai.

HAKKAI 2:13

Hakkai naw, “Chang aksii bi ne kätheing ciah chang naw, ei vai a bi ung, acun mä kätheingcim khai ma? cine ng’shi ba gui sei, taigü gui naw, “ä” cik ci gui.

TAIGÜTHUM 11:11

Cun ah ak ghing gui cu kä theingcim ciah kyak ci. Cun gui cu kä nami ei vai, sik ciah a pumsa phi kä nami tawn en vai.

2 KORIN 6:17

Cun ah kyasei Bawipa naw; “Ngami cu nawng shüt gui ne, ngami awn ng’cha ne nami om vai. Kä theingcim cicu kut awn phi kä nami tawk en vai, cun ung ka ning dou gui khai.

LUKA 11:44

Nangmi ung shekat nak om ci. Nangmi cu a hnün kä om ciah ng’cim hmun awn nami täng ci. Cun ah ng’cim hmun cu chang gui naw akhan ah kai na u ne phi, ng’cim hmun bä ah kä hmat ci gui” ci ne kiak na gui ci.

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

SAM 19:12

Ani ah hma katnak cu a u naw kä hmuk ci; ng’thup ciah katnak ung ka nak phyawn ä, Bawipa!

TAIGÜTHUM 7:21

A cun ah mäih ah chang tumat naw kä theingcim ci a tawn kawn ah cun ah douthak ah sa a ei ah a kyak ung, chang ungka ah a kyak ung phi, sei ungka ah a kyak ung phi, ani cu Khanpughi ah chang ah kä kya ba khai.

TAIGÜTHUM 5:4

Chang tumat cu kä ngaih nak ah ang taam ah a kyak ung, a i ah mawng ah a kyak ung phi, cun bik ciah a hmat vai am ani cu cheishoh ciah kyak ci.

TAIGÜTHUM 4:13

Israel a pahta pum naw katnak bi ne, kä ngaih-tüh ah Bawipa ah thumkhän cu m’shet u khäta,

TAIGÜTHUM 5:3

Chang tumat naw kä ngaih-tüh ah kä theingcim ciah chang ah shämtawng a tawn ah a kyak ung, a i ah a kyak ung phi, cun bik ciah a hmat vai am ani cu cheishoh ciah kyak ci.

TAIGÜTHUM 11:8

Cun ah khisa gui cu kä nami ei vai. Sik ciah a pumsa phi kä nami tawn vai, cun cu kä theingcim ci.

KHEI NAK 19:22

Kä theingthap ciah chang naw a tawn phung cu, kä theingthap ci. A cun tawn ciah chang päng phi mühun güt ung kä theingthap ci.