TAIGÜTHUM 5:17 - Cho Bible Common Language 2016

¹⁷ Chang tumat naw kä ngaih-tüh ah Bawipa ah thumkhän tumat mat m’shet ne a kat ah a kyak ung, ani cu cheishoh ciah kyak ci. Ani naw a kat ah phäh ah a pek vai kyak ci.

TAIGÜTHUM 5:17 Referans Kwoze

TAIGÜTHUM 4:27

Avaisü ah chang düt tumat naw kä ngaih-tüh ah katnak bi ne, Bawipa ah thumkhän tumat am shet ah a kyak ung,

TAIGÜTHUM 4:13

Israel a pahta pum naw katnak bi ne, kä ngaih-tüh ah Bawipa ah thumkhän cu m’shet u khäta,

SAM 19:12

Ani ah hma katnak cu a u naw kä hmuk ci; ng’thup ciah katnak ung ka nak phyawn ä, Bawipa!

TAIGÜTHUM 5:15

Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.

TAIGÜTHUM 4:22

Avaisü ah uktu tumat cu katnak bi ne, kä ngaih-tüh ah Bawipa ah thumkhän tumat cu m’shet ne,

LUKA 12:48

Cun ung phi a bawi ah ng’yak hlü kä hmat netah katnak bik ciah chang läi cu geinvai nak api gah khai. Chimgein nak akdäm gah ciah chang cu abi vai akda om khai. Zum ne ngaih gep nak pi gah ciah chang cu abi vai akda pi om khai.

ROMAN 14:23

Cun ung phi amät ah ei nak ah khan ah ngaih gep nak kä om ciah chang cu, acun a ei ah hmawk ah Khanpughi naw m’shetkat ci, a i ah kya sei ci ung ani ah bi cu yum nak awn a bi kä kyak ci. Zum nak awn kä kyak ciah bilawh phung cu shetkat nak ah kyak ci.

TAIGÜTHUM 5:18

Ani naw kä kheihlik ciah htome hla baw, me hla baw, thungba nak douthak ah taigüpa am a thak law vai. Cun ah a phu cu akükyang ah ami k’bäi ah kyak ci. Taigüpa naw katnak ah phäh ah khawihnah nak cu douthak khai, cun cu chang naw kä ngaih-tüh ah a katnak ah kyak ci, ani cu m’geinsei nak gah khai.

TAIGÜTHUM 5:19

Shin cu chang naw Bawipa hnungtuk püi ne a katnak thungba nak douthak nak ah kyak ci.