TAIGÜTHUM 5:15 - Cho Bible Common Language 2016

¹⁵ Chang tumat naw kä ngaih-tüh ah Bawipa am pek vai ah ak theing cu a pek vai a häu ah a kyak ung, ani naw thungba nak douthak nak ah kä kheihlik ciah htome baw, me baw ak hla a law püi vai. Cun cu aküikyang ah a phu ami k’bäi ah kyak ci.

TAIGÜTHUM 5:15 Referans Kwoze

PHYAWN NAK 30:13

K’tä khei pyi ah chang phung naw k’bäi ah ngui cu m’hnüt khai, bawi ng’vai gui ah k’bäi ah khin nak phi m’hnüt khai. A chang päng naw cun cu kei am ana douthak ah ak bäi vai.

TAIGÜTHUM 4:2

cun cu Israel chang gui am am thein gui vai ah kyak ci. Chan tumat naw acapka ah Bawipa ah thumkhän cu kat na ne, m’shet ne a kyak ung shin ah thung gui cu a läk vai.

EZRA 10:19

Ngami naw ami chu gui ami nawng gui vai ah shaita u ne, ami kat ah phäh ah khawihnah nak htome hla tumat dou thak ci gui.

TAIGÜTHUM 7:6

Taigü kyong pami phung naw cun cu a ei vai. Cun ung phi cun cu a theingcim nak ung ei vai, a i ah kyasei ci ung cun cu ang htei ah theingcim ci.

TAIGÜTHUM 7:1

Shin gui cu thungba nak douthak nak ah thungyo gui ah kyak ci. Cun gui cu ang htei ah theingcim ci.

TAIGÜTHUM 6:6

Ani naw thungba nak douthak ah Bawipa am pek vai ah kä kheihlik ciah htome baw, me baw ak hla cu, taigüpa ah a law püi vai. Cun cu aküikyang ah a phu ami k’bäi ah kyak khai.

THULÄÄN NAK 12:26

Nami douthak gui la Bawipa ung nami shaitak ah m’cümhnah nak gui cu khawihnah nak ah hmun tumat ung nami hteh püi vai.

KHEI NAK 5:8

Dou khai ah chang cu si sei, ang een pi ng’lawh dou pek khai kä a om ah a kyak ung, cun ah ng’lawh cu taigü ah hmawk ah Bawipa am pek vai. Shin ah ng’lawh nak ung cheishoh ciah chang ah hmawk ah ng’gängsei bi nak ah htome cu mang vai.

TAIGÜTHUM 5:18

Ani naw kä kheihlik ciah htome hla baw, me hla baw, thungba nak douthak ah taigüpa am a thak law vai. Cun ah a phu cu akükyang ah ami k’bäi ah kyak ci. Taigüpa naw katnak ah phäh ah khawihnah nak cu douthak khai, cun cu chang naw kä ngaih-tüh ah a katnak ah kyak ci, ani cu m’geinsei nak gah khai.

TAIGÜTHUM 5:16

Ani naw am häu ah phäh ah a thung ba kawn ah bum hma ung bum ät awn a khap vai, cun cu taigüpa am a pek vai. Cun kawn ah taigüpa naw cun ah chang ah kat ah phäh ah seime awn khawihnah nak a douthak vai, cun ung ani cu m’geinsei nak gah khai.

TAIGÜTHUM 5:14

Bawipa naw shin ah thungyo gui cu Moses am pek ci.

KHEI NAK 5:5

Bawipa naw Moses am,

KHEI NAK 15:24

Cun ah hma nak cu chang bum ah kä hmuhmat su ah bi ah a kyak ung ngami naw m’khih ne douthak nak ah vantang ami douthak vai. Cun ah ang ui cu Bawipa naw yei nak ci. Cun cu bi man ah htang douthak nak la sapyit tui douthak nak awn a täng ah bi vai. K’be nak ah ngami naw me m’ca tumat awn phyawn douthak nak ami bi vai.

1 SAMUEL 6:3

Ngami naw, “Israel Khanpughi ah Thukhän M’küm nami tha ba gui vai a kyak ung, nami hmakat nak nami sah nak ah kyak khai ah m’cühnah naw awn nami m’khah vai. Thukhän M’küm cu m’cümhnah nak kä om ciah kä hteit ba khai. Cun ung ngami naw nami gai khai, a i ah kyasei a ning m’kyuk gui phi nami hmat lawk khai.

2 GHANGPUGHANG GUI 12:16

Thung sah nak vai ah douthak nak la katnak-douthak nak ah pek ah douthak nak gui cu k’peem m’küm ung kä tha ci gui; cun cu taigü ah kaa ah kyak ci.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

TAIGÜTHUM 14:12

Cun kawn ah taigü naw htome hta tumat cu la ne, k’am ungka bum thum a ät situi awn a täng ah thungba nak douthak ah douthak khai. Ani naw taigü ah hmawk ah aktung ah m’cümhnah nak ah Bawipa am pek khai.

TAIGÜTHUM 27:3

Aküikyang ah m’hnüt bäi nak cu: — pami ng’vai kum ku ungka naw chukip: ngui pit 50, — hnumi ng’vai: ngui pit 30, — pami nong kum 5 ungka naw kum 20 ngui pit 20, — hnumi nong ngui pit 10 — a hmaw hta pami kum 5 ah kaa ngui pit 5 — a hmaw hta hnumi ngui pit 3 — pami a kum 60 ah däm ci ngui pit 15 — hnumi kum 60 ah däm ci ngui pit 10

EZEKIEL 40:39

Cun ah luh nak ah akhan ung tawng lang phli om ci, akhan vangtäng ung hnih ciah kyak ci. Cun ah tawng lang gui ah khan ung, khawihnah nak ah douthak vai ni, apum lüng m’khih ne douthak vai ni, katnak ah phäh ah khawihnah nak vai la thungba douthak nak ah seme gui cu ngawn ci gui.