TAIGÜTHUM 5:11 - Cho Bible Common Language 2016

¹¹ Cun ah chang naw mümkha hnih, käcung mümhta hnih kä am hnüt hning ah a kyak ung, katphyawn douthak nak ah, m’htut den a pie a law püi vai. Cun cu oliv situi awn phi kä shawi vai, ang ui phi kä shum vai, a i ah kyasei ci ung cun cu katphyawn-douthak nak ah kyak ci, htang douthak nak ah kä kyak ci.

TAIGÜTHUM 5:11 Referans Kwoze

KHEI NAK 5:15

A i ah mawngma ah a kyak ung phi, pami naw ak chu cu taigü ah a hteh püi vai. Ani naw k’thäh nak ah douthak vai ah htang den pye goi a law püi vai. Cun ung phi oliv situi kä a luh vai. Tui ng’ui awn kä a tha shi vai. A i ah kyasei ci ung cun cu acei naw kä a ngaih gep nak ah mawng ung douthak ah kyak ci. Düng nak cu akdei ung law püi ne bi ah kyak ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

TAIGÜTHUM 5:12

Ani naw taigüpa ah a law püi vai, taigüpa naw m’hnüt nak ah shum ät a lak vai, cun cu avan Bawipa am douthak ah kyak ci, ani naw cun cu sonkiang ung ei-douthak ah am khih vai. Cun cu katnak nawt heng nak ah douthak ah kyak ci.

TAIGÜTHUM 5:9

Asi amshah cu sonkiang ah hnungtuk täng ah k’peh khai. Pawih ba ciah asi cu sonkiang ah kung ung a huk vai. Shin cu katnak nawt heng nak ah douthak nak ah kyak ci.

TAIGÜTHUM 5:6

Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

PHYAWN NAK 16:36

(Ngami ah nän nak ah a ät cu liter 20 ah kyak ci, liter a ät cu apie awn ng’lawn ci.)

PHYAWN NAK 16:18

Ami kaw cu nän u sei, akda kaw ci kaa kä pawih ci, api kaw ci phi kä ken ci, ami ng’büh nak phäh phäh vai ah kyak ci.

LUKA 2:24

müm kha hnih la cholung hnih phi Khanpughi-am pe ne nami taigü vai” ciah om ci kyasei, acun ah taigü ci gui.

HEBRU 9:22

Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

TAIGÜTHUM 1:14

Chang tumat naw m’khih ne douthak ah kha a douthak law ah a kyak ung cun cu mümkha käcung müm bawk ah kyak khai.

TAIGÜTHUM 6:20

Aaron tuu taigüpa gui phyuh theh nak vai ah hmawk ah kyak ci. Ani phyuh theh vai hnüüp ung, ani naw htang k’den apie pe ne Bawipa am douthak nak abi vai. Cun cu a hnüp tä htang douthak nak bi chü ah kyak ci. Khawngawi ah amshah, mühun ah amshah ah kyak ci.

TAIGÜTHUM 14:21

Chang tumat cu douthak ne a i kä a pek hning ah a kyak ung, ani naw ang ng’gängsei nak vai ah thung ba douthak ah htome hta tumat bäng a law püi vai. Cun cu taigü ah phäh ah Bawipa am aktung ah m’cümhnah ah kyak ci. Ani naw htang douthak ah oliv situi awn k’caw ah m’htut den a pie la oliv situi k’am ung bum thum a ät a law püi vai.

TAIGÜTHUM 27:8

Shaitak bik ciah chang cu dukhaih aih ne m’hnütbäi ah phu kä ah pek hning ah a kyak ung acun ah chang cu taigü ah hteh püi vai, taigü naw ang neim pi ah k’bäi ne pek khai ah chang ah aci ah bik khai.

TAIGÜTHUM 12:8

Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.