TAIGÜTHUM 4:6 - Cho Bible Common Language 2016

⁶ Ani naw a kutpyün gui cu cun ah si ung yuk phum neta, theing ciah yihdung ah ma ung chih vei ak peh vai.

TAIGÜTHUM 4:6 Referans Kwoze

JOSHUA 6:8

Cun ah Joshua naw thu akbäi vai am, ma ciah gakap gui cu phyungheng tum ciah taigü gui ah ma ung hteit ci gui. Ngami ah hnu ah Thukhän M’küm kawt ciah taigü gui lawk ci gui, hnu ciah gakap gui naw läk lawk ci gui. Acun yah ah pum ung phyungheng cu tum ci gui.

JOSHUA 6:4

Taigüpa chih cu phyungheng kawt bäng bäng u ne, Thukhän M’küm ah ma ung ami hteh vai. A hnüüp chih hnüüp ung nang la na gakap gui naw mang gaw cu chih vei nami vein vai. Cun yah ung taigüpa gui naw phyungheng tum khai gui.

TAIGÜTHUM 26:28

kei naw m’lungshe nak awn nangmi ah khan ah ng’hlat law ne, ayan ä kaa ah tah, ak chih ah ka pi khai ah ka ning m’kyuk gui khai.

TAIGÜTHUM 26:24

Kei cu nangmi ah khan ah ng’hlat law ba ne, ayan ka ah tah ak chih ah nui tuba khai ah ka ning m’kyuk gui khai.

TAIGÜTHUM 26:18

“Shin gui avan kya güt sei, nangmi naw kei kä nami na läk ah a kyak ung, kei naw ka ning m’kyuk nak gui cu ak chih ah ka m’däm khai.

TAIGÜTHUM 16:19

A kutpyün awn si gui cu sonkiang ah khan ah chih vei ak peh vai. A shikcha ah ani naw Israel chang gui ah katnak cu ng’gängsei sak ne, theingcim nak a bi ah kyak ci.

TAIGÜTHUM 16:14

Ani naw vantang ah si amshah cu la neta, a khüm ah khan ah a kutpyün gui awn akpeh vai. Thukhän M’küm ah ama lam ung chih vei akpeh vai.

TAIGÜTHUM 14:18

Ani naw am ya ung pawih ba ciah si tui avan cu, cun ah chang ah lu khan ah yuk tha ci. Shikcha ah ani cu ng’gängsei nak abi vai ah kyak ci.

TAIGÜTHUM 14:27

akpat lam a kutpyün gui awn tawk neta, Bawipa ah om nak ung chih vei ak peh vai.

TAIGÜTHUM 14:16

akpat lam a kutpyün tumat awn yuk tawk neta, Bawipa ah om nak ah kyong ah chih vei k’peh ci.

TAIGÜTHUM 9:9

A hta gui naw asi cu law püi ci gui, ani naw acun ung a kutpyün gui yuk phum ci, amshah cu sonkiang ah kit gui a lawi gui ung mek nak ci, pawih ba cicu sonkiang ah akung ah huk ci.

TAIGÜTHUM 8:15

Cun cu Moses naw ngawn ne asi amshah la neta, a kutpyün awn, sonkiang ah akit gui ung alawi gui cu hluk ci, cun cu ng’apnak ah kyak ci. Ani naw pawih ba ciah asi gui cu sonkiang ah akung ah huk ci. Acu cha ah ani naw ng’apnak bi ne ng’gängsei sak ci.

TAIGÜTHUM 4:34

Taigüpa naw htome ah si ung a kutpyün yuk phum neta, sonkiang ah akit gui ah alawi gui ung a hluk vai, pawih ba cicu sonkiang ah kung ah a huk vai.

TAIGÜTHUM 4:30

Taigüpa naw acun ah me ah si ung a kutpyün yuk phum neta, sonkiang akit gui ah alawi gui ung a hluk vai. Ak pawih cu sonkiang ah akung ah a huk vai.

TAIGÜTHUM 4:25

Taigü naw a kutpyün gui cu a cun ah me ah si ung yuk phum neta, sonkiang ah akit gui ah alawi gui ung yuk mek ne, pawih ba cicu sonkiang ah a kung ung a shawi vai.

TAIGÜTHUM 4:17

acun ung a kutpyün yuk phum neta, yihdung ah ma ung chih vei ak peh vai.

KHEI NAK 19:4

Cun kawn ah Eleazar naw acun ah si cu la neta Phung täng ah a kut pyün awn chih vei ak peh vai.

TAIGÜTHUM 25:8

Khaw kum chih cu chih vei khei ung, avan ah ng’dawn ah kum phli kip lei kaw lawk ci.

PHYAWN NAK 40:21

Cun kawn ah Thumkhän M’küm cu phung kyong ah tha neta, yihdung cu hei bat ci. Bawipa ah thumkhän ah mäih ah ani naw Thumkhän M’küm cu shungshet ci.

PHYAWN NAK 40:26

Ani naw ghui sonkiang phi Phung kyong ah hei tha ci, yihdung ah hmai lam ah hmoh ci.

TAIGÜTHUM 8:11

Ani naw situi cu la ne sonkiang la pyan nak gui ah khan, la tui shawk la akung yung ah chih vei k’peh ci. Cun cu Bawipa am apnak ah bi ah kyak ci.

TAIGÜTHUM 14:7

Ani naw kheilei ungka theek sak pyi ah chang ah khan ah cun ah si cu chih vei k’peh khai, cun kawn ah ani cu theingthap pyi ciah pyen ne ng’shäu khai. Ani naw kha akghing cu khaw häu ung k’phäi khai.