TAIGÜTHUM 4:4 - Cho Bible Common Language 2016

⁴ Ani naw Phung ung luhnak ung vantang cu law püi neta, alu khan ah a kut taih ne, Bawipa ah ma ah acun ung a ngawn vai.

TAIGÜTHUM 4:4 Referans Kwoze

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

TAIGÜTHUM 16:21

Ani naw a kut avan cu me ah lu khan ah taih neta, Israel chang gui ah ami shetkat avan, ami katnak avan, ami thüngphyong nak avan cu, acun ah khan ah ng’yu ne ng’paa nak ci, cun cu me ah lu khan ah k’plon yawp ah kyak ci. Cun kawn ah ami m’hnüt bäi ah chang am, me cu bung ah k’täm ne gawt sak ah kyak ci.

TAIGÜTHUM 4:15

Ami pahta ung ang vai gui naw vantang ah lu ah khan ah ami kut taih u neta, a cun ung ami ngawn vai.

TAIGÜTHUM 4:29

Ani naw cun ah khan ah a kut taih neta, sonkiang ah alu täng ah a ngawn vai, cun cu m’khih ne douthak nak vai ah seime gui ami ngawn nak ah kyak ci.

TAIGÜTHUM 8:14

Cun kawn ah Moses naw vantang hta cu katphyawn-douthak nak vai ah law püi khäta, acun ah lu khan ah Aaron la a hta gui naw ami kut taih ci gui.

KHEI NAK 8:12

Levit gui naw sei hta gui ah lu khan ah ami kut ami taih vai, Tumat cu kat phyawn douthaknak ah a hei tumat cu m’khih ne douthak nak ah douthak vai. Cun cu Levit gui ah hmawk ah ng’gängsei nak bi ah kyak ci.

2 SHONTÄP NAK 29:23

Akhnu ah me gui cu la u neta ghangpughang la khawihnah ci gui ah law püi u sei ngami naw cun gui ah khan ah ami kut taih ci gui.