TAIGÜTHUM 4:35 - Cho Bible Common Language 2016

³⁵ Hmuhchum-douthak nak ah htome ah thau lak ah mäih ah ani naw cun ah thau avan cu a lak vai. Bawipa am pek ah ei-douthak nak ah sonkiang awn ng’däih khai ah am khih vai. Ashicha ah taigüpa naw chang ah katnak ah phäh ah khawihnah nak cu a douthak vai, ani cu m’geinsei nak gah khai.

TAIGÜTHUM 4:35 Referans Kwoze

TAIGÜTHUM 4:26

Cun kawn ah ani naw a thau avan cu sonkiang ah khan ah am khih vai. Cun cu hmuhchum-douthak nak ah seime ah thau am khih ah mäih ah kyak ci. A shicha ah taigüpa naw uktu ah katnak ah phäh ah khawihnah nak cu a douthak vai. Ani cu m’geinsei nak gah khai.

TAIGÜTHUM 4:20

Ani naw katnak-douthak nak abi ah mäih ah a shin ah vantang awn bik khai, a shin ah mäih ah chang gui ah katnak ah phäh ah ani naw khawihnah nak cu bik khai, ngami cu m’geinsei nak gah khai gui.

TAIGÜTHUM 14:18

Ani naw am ya ung pawih ba ciah si tui avan cu, cun ah chang ah lu khan ah yuk tha ci. Shikcha ah ani cu ng’gängsei nak abi vai ah kyak ci.

TAIGÜTHUM 6:7

Taigüpa naw chang ah katnak ah phäh ah khawihnah nak a douthak vai, cun ung ani cu m’geinsei nak gah khai.

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

1 PETER 2:22

Bawipa kä sheka man ci, a hleei a pyein phi u naw kä ng’ya man ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

KOLOSE 1:14

Ani ung phiawn nak mi gah ci, cun cu mi cheishoh nak ana m’gein gui ah kyak ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

ROMAN 10:4

Bawi Khrit naw thukhän ah a khin cu ang pyi sak pyi ah kya sei, yum ciah chang nüng am Khanpughi ung ng’düng nak cu pe pyi ci nei.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

ROMAN 4:25

Khanpughi naw Bawipa Jesuh cu mikmi ah katnak ah hmawk ah sih nak ung gawk sak ci, Khanpughi naw mikmi cu chang düng ah k’bäi ne ana dou gui vai ah hmawk ah sih nak ungka thawh ba sak ci.

KHEI NAK 15:25

Taigü naw chang bum ah hmawk ah ng’gängsei nak cu abi vai, cun ung ngami cu m’geinsei gui khai. A i ah kyasei ci ung ami hma nak cu kä ngaih-tüh ne bi ah kyak ci. Ngami naw ei-douthak nak ah kat-phyawn douthak nak cu Bawipa ah law püi ci gui.

TAIGÜTHUM 14:53

Cun kawn ah ani naw kha akghing cu mang gaw ah akpung khaw häu ung am shon vai. Ashicha ah ani naw im ah phäh ah ng’gängsei nak cu a bi vai, cun ung im cu theingthap khai.

TAIGÜTHUM 12:8

Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.

TAIGÜTHUM 9:7

Cun kawn ah ani naw Aaron am, “Sonkiang ah hteit ne chang gui ah katnak la ami katnak nawt heng khai ah katphyawn douthak nak la m’khih ne douthak nak cu na douthak vai. Bawipa ah thumkhän ah mäih ah chang gui ah katnak nawt heng nak ah shin ah douthak cu na bi vai” cine pyen nak ci.

TAIGÜTHUM 5:13

A shicha ah taigüpa naw chang ah katnak ah phäh ah khawihnah nak douthak khai, cun ung ani cu m’geinsei nak gah khai. Pawih ba ciah m’htut den cu taigüpa naw yawk khai, cun cu htang douthak nak ah kyak ci.

TAIGÜTHUM 5:10

Cun kawn ah a hnih nak ah kha cu m’khih ne douthak ah a douthak vai. Cun cu thungyo ah ciah bi ah kyak ci. A shicha ah taigü naw katnak bik ciah chang ah phäh ah khawihnah douthak khai, ani cu m’geinsei nak gah khai.

TAIGÜTHUM 5:6

Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

KHEI NAK 15:28

Sonkiang ung taigü naw cun ah chang katnak ungka a theingthap nak vai ah ng’gäsei nak cu bik khai, cun ung ani cu m’geinsei nak gah khai.

TAIGÜTHUM 15:15

Taigü naw tumat cu katphyawn douthak nak, tumat cu m’khih ne douthak nak ah a douthak vai. Ani naw chang ah ng’gängsei nak vai cu shikcha ah a bi vai.

TAIGÜTHUM 19:22

Cun kawn ah taigü naw ng’gängsei nak cu a bilawh vai. Cun cu cun ah chang ah katnak nawt heng nak ah kyak ci. Khanpughi naw ani cu m’geinsei khai.