TAIGÜTHUM 4:31 - Cho Bible Common Language 2016

³¹ Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

TAIGÜTHUM 4:31 Referans Kwoze

TAIGÜTHUM 4:26

Cun kawn ah ani naw a thau avan cu sonkiang ah khan ah am khih vai. Cun cu hmuhchum-douthak nak ah seime ah thau am khih ah mäih ah kyak ci. A shicha ah taigüpa naw uktu ah katnak ah phäh ah khawihnah nak cu a douthak vai. Ani cu m’geinsei nak gah khai.

TAIGÜTHUM 4:35

Hmuhchum-douthak nak ah htome ah thau lak ah mäih ah ani naw cun ah thau avan cu a lak vai. Bawipa am pek ah ei-douthak nak ah sonkiang awn ng’däih khai ah am khih vai. Ashicha ah taigüpa naw chang ah katnak ah phäh ah khawihnah nak cu a douthak vai, ani cu m’geinsei nak gah khai.

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

PHYAWN NAK 29:18

Htome avan cu sonkiang ah khan ah m’khih ne, ei ah douthak vai. Cun ah douthak ah ang ui cu kei naw yei ne ka dou khai.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

HEBRU 10:14

Hnü ät ang bäng ah a küikyan nak awn, theingcim nak gah ci gui cu, angtäi sei kümbe sak gui ci.

HEBRU 10:12

Cun ung phi Bawi Khrit naw hnü ät ang bängah küikyan nak bi ne, cheishoh nak cu nawtpet ci. Hta ng’shon ung ng’täi ciah ng’ap nak phi bik ci, cun kawn ah Khanpughi ah k’pat lam ung kai ne ngok ci.

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

ISAIAH 42:21

Bawipa cu khanpughi nei, ani naw ang ghit ah hun hlük ci nei. Angthukhän gui la a m’theithang gui cu m’hlüng tai ci nei, A chang gui naw ami m’tamkhah vai ah ng’ya hlük ci nei.

JOB 42:8

Tuhbäi vantang chih la htome amca chih cu Joba ah law püi u ne, nami mät ah phäh ah khawihnah nak ah nami dou thak vai. Cun ung Joba naw ning taigü pe gui khai, ani ah taigü kei naw ka m’shang khai, nami om ah ciah kä ning ng’thumcha gui khai. Nangmi naw ani ah mäih ah kei ah mawng akcang kä nami pyen ci.”

EZRA 6:10

Acun ah nami bi vai, cun ung ngami naw Kkankhaw Khanpughi naw a dou thei vai ah khawihnah nak cu douthak khai gui. Kei la ka hta gui ah phäh ah ani ah phyuhtheh nak cu ng’yoi thäh khai gui.

TAIGÜTHUM 4:19

Cun kawn ah ani naw a thau avan la neta, sonkiang ung am khih vai.

TAIGÜTHUM 1:17

Ani naw ang phia gui ung k’pang ne apum cu hleei ne, ang phia cu kä hleei en neta, avan cu sonkiang khan ah am khih vai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

TAIGÜTHUM 2:9

Taigüpa naw amshah cu lak khai, cun cu Bawipa am avan douthak ah m’hnüt nak ah kyak khai, ani naw sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 5:6

Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

TAIGÜTHUM 5:10

Cun kawn ah a hnih nak ah kha cu m’khih ne douthak ah a douthak vai. Cun cu thungyo ah ciah bi ah kyak ci. A shicha ah taigü naw katnak bik ciah chang ah phäh ah khawihnah douthak khai, ani cu m’geinsei nak gah khai.

TAIGÜTHUM 14:18

Ani naw am ya ung pawih ba ciah si tui avan cu, cun ah chang ah lu khan ah yuk tha ci. Shikcha ah ani cu ng’gängsei nak abi vai ah kyak ci.

TAIGÜTHUM 15:15

Taigü naw tumat cu katphyawn douthak nak, tumat cu m’khih ne douthak nak ah a douthak vai. Ani naw chang ah ng’gängsei nak vai cu shikcha ah a bi vai.

TAIGÜTHUM 19:22

Cun kawn ah taigü naw ng’gängsei nak cu a bilawh vai. Cun cu cun ah chang ah katnak nawt heng nak ah kyak ci. Khanpughi naw ani cu m’geinsei khai.

KHEI NAK 15:25

Taigü naw chang bum ah hmawk ah ng’gängsei nak cu abi vai, cun ung ngami cu m’geinsei gui khai. A i ah kyasei ci ung ami hma nak cu kä ngaih-tüh ne bi ah kyak ci. Ngami naw ei-douthak nak ah kat-phyawn douthak nak cu Bawipa ah law püi ci gui.