TAIGÜTHUM 4:3 - Cho Bible Common Language 2016

³ Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

TAIGÜTHUM 4:3 Referans Kwoze

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

TAIGÜTHUM 9:2

Ani naw Aaron am, “Api ah phi kä kheihlik ciah vantang hta la htome hta cu la neta Bawipa am na douthak vai, vantang hta cu katphyawn-douthak nak ah kyak khai, htome hta cu m’khih ne douthak nak ah kyak khai.

TAIGÜTHUM 4:14

kä shou pha sei katnak cu ang hmat ah a kyak ung, a pahta ng’khä naw kat-douthak nak ah vantang hta cu ami law püi vai. Ngami naw Bawipa ah om nak ah Phung ung ami law püi vai.

HEBRU 5:3

Amät cu kä kümbe ciah kya ne, chang ah phäh bäng ah kä kiak ci, amät ah phäh ah phi küikyan nak vai ah phyutheh ciah kiak ci.

EZRA 8:35

Omktu khaw ah ka law ba ciah chang avan naw Israel Khanpughi am douthak vai ah m’khih ne khawihnah nak cu, law püi ci gui. Ngami naw Israel gui ami van ah hmawk ah seipat gha lei goi, htmome hla 96, htome hta 77, douthak ci gui. Katnak ungka ami mät ami theingthap nak vai ah me gha lei goi phi douthak ci gui. Shin ah seime gui avan cu Bawipa am m’khih ne douthak ci gui.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

EZEKIEL 43:19

Taigü gui, Levi pakhui gui naw Zadok ah htangshon gui bäng cu law ne kei ah ma ah ka bi bik khai gui. Kei, uktu Bawipa naw shin ah ka thumkhän nei. Nangmi naw ngami am katnak ah phäh ah khawihnah douthak nak vai ah vantang nong cu nami pe gui khai.

PHYAWN NAK 29:21

Sonkiang ah khan ah om ciah si amshah cu la ne, situi amshah cu la neta, Aaron la asuisak ah khan, a hta gui la ami suisak ah khan ah na k’peh vai. Ani, a hta gui la ami suisak gui cu kei ung ami ng’ap vai nei.

PHYAWN NAK 29:14

Cun ung phi vantang ah asa, avun la a eek gui cu, phung hmun ah k’pung ah mei awn m’khih vai. Cun cu taigü gui ah katnak m’hlawt nak ah kyak ci.

PHYAWN NAK 29:7

Cun kawn ah phyisä nak situi cu la ne alu khan ah yuk shawi neta phyisä vai.

KHEI NAK 8:8

Cun kawn ah ngami naw sei hta tumat la hlü ciah htang douthak vai ah oliv situi awn k’caw ah m’htut den cu ami hteh püi vai. Cun kawn ah katphyawn douthak nak vai ah sei hta nami hteh püi vai.

TAIGÜTHUM 16:11

Aaron naw amät ah phäh la a kyong khui ah phäh ah katphyawn douthak nak ah vantang awn a khawihnah law ah a kyak ung,

TAIGÜTHUM 16:6

Ani naw amät ah kat nawt heng nak vai la amät ah kyong chang ah phäh ah a khawihnah nak ah vantang cu a douthak vai.

TAIGÜTHUM 8:12

Ani naw Aaron ah lu khan ah phyuh nak situi awn shawi ne phyuhtheh ci.

TAIGÜTHUM 5:6

Akatnak a gei nak vai ah htome ak khik baw, me baw Bawipa am douthak vai ah a law püi vai. Taigü naw cun ah chang ah katnak ah phäh ah khawihnah ne douthak pek khai.

PHYAWN NAK 30:10

Aaron naw kum ät ung hnü ät a bi vai cu sonkiang ah theingcim nak vai ah, katnak ah phäh ah khawihnah nak ah seime ah si awn a lawi phli cu a hluk vai. Shin cu a kum tä sei ngawi yä bi vai ah kyak ci. Shin ah sonkiang cu kei Bawipa ung ng’ap ciah akbe ah theingcim ciah kyak ci.

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

TAIGÜTHUM 4:5

Cun kawn ah taigütung naw vantang ah si cu la ne, Phung ah kyong ah a law püi vai.

TAIGÜTHUM 4:23

ani ah cuun ngaih nak cu katnak ah a kyak ah a kyak ung ani naw a douthak vai ah kä kheihlik ciah me akhla cu a law püi vai.

TAIGÜTHUM 4:28

ani ah cuun ngaih nak cu katnak ah a kyak ah a kyak ung ani naw a douthak vai ah kä kheihlik ciah me akhik cu a law püi vai.

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

2 SHONTÄP NAK 29:21

Mang im kyongchang gui la Judah chang gui ah katnak nawt heng nak douthak vai la Taigüim theing ciim sak nak vai ah vantang chih, htome chih, htome hta chih la me chih cu hteh püi ci gui. Ghangpughang naw Aaron ah htangshon taigü gui a pyen nak gui cu, seime gui cu khawihnah nak ah sonkiang ung ami douthak vai ah kyak ci.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

TAIGÜTHUM 6:18

Angtäi sei Aaron ah ng’shon pami cu law ne, Bawipa am douthak ah ei, ngami ah chaw phung cu ei ci. Ei-douthak nak tawn ciah chang phung cu ani ah theingcim nak ah huham naw nat sak khai.

TAIGÜTHUM 9:3

Cun kawn ah Israel chang gui na m’thein gui vai, katphyawn douthak nak vai ah me amca ami law püi vai, m’khih ne douthak vai ah api ah phi kä kheihlik ciah, kum ät lüng ciah seipat hta tumat la kum ät lüng ciah htome hta tumat ami law püi vai.

TAIGÜTHUM 16:3

Ani cu katphyawn douthak nak vai ah vantang hta la m’khih ne douthak nak vai ah htome akhla hta a law püi kawn ah va, a theingcim nak pikbäih ung lut hlawt khai” cik ci.

TAIGÜTHUM 16:5

Israel chang avan naw katphyawn douthak vai ah me amca hnih la m’khih ne douthak vai ah htome amca tumat ami pek vai.

EZEKIEL 40:39

Cun ah luh nak ah akhan ung tawng lang phli om ci, akhan vangtäng ung hnih ciah kyak ci. Cun ah tawng lang gui ah khan ung, khawihnah nak ah douthak vai ni, apum lüng m’khih ne douthak vai ni, katnak ah phäh ah khawihnah nak vai la thungba douthak nak ah seme gui cu ngawn ci gui.

EZEKIEL 44:27

cun kawn ah ani cu Taigüim ah akyong täng cham ung hteit ne, a theingthap nak vai ah khawihnah nak cu a douthak vai, cun kawn ah ani cu Taigüim kyong ah bii bi ba hning ci. Kei, uktu Bawipa naw ka pyen nei.