TAIGÜTHUM 4:25 - Cho Bible Common Language 2016

²⁵ Taigü naw a kutpyün gui cu a cun ah me ah si ung yuk phum neta, sonkiang ah akit gui ah alawi gui ung yuk mek ne, pawih ba cicu sonkiang ah a kung ung a shawi vai.

TAIGÜTHUM 4:25 Referans Kwoze

TAIGÜTHUM 4:34

Taigüpa naw htome ah si ung a kutpyün yuk phum neta, sonkiang ah akit gui ah alawi gui ung a hluk vai, pawih ba cicu sonkiang ah kung ah a huk vai.

TAIGÜTHUM 4:30

Taigüpa naw acun ah me ah si ung a kutpyün yuk phum neta, sonkiang akit gui ah alawi gui ung a hluk vai. Ak pawih cu sonkiang ah akung ah a huk vai.

TAIGÜTHUM 4:18

Ani naw Phung ah kyong ah ang ui douthak nak sonkiang ah aki gui ah alawi gui ung cun ah si cu a mek vai. Pawih ba ciah si cu m’khih khawihnah nak ah sonkiang ah kung ung ani naw a shawi vai, cun cu Phung ung luh nak ung om ci.

TAIGÜTHUM 4:7

Ani naw Phung ah kyong ah m’khih nak ah ng’ui ciah sonkiang ah akit gui ah alawi gui ung cun ah si awn a mek vai. Phung ung valuh nak ah m’khih ne khawihnah nak ah sonkiang ah akung ung pawih ba ciah si cu ak peh vai.

TAIGÜTHUM 9:9

A hta gui naw asi cu law püi ci gui, ani naw acun ung a kutpyün gui yuk phum ci, amshah cu sonkiang ah kit gui a lawi gui ung mek nak ci, pawih ba cicu sonkiang ah akung ah huk ci.

HEBRU 9:22

Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

ROMAN 10:4

Bawi Khrit naw thukhän ah a khin cu ang pyi sak pyi ah kya sei, yum ciah chang nüng am Khanpughi ung ng’düng nak cu pe pyi ci nei.

ISAIAH 40:21

Khomdek a i cha ah ang tün law cu kä nami ng’ya man ne ma? Cau ge ung a u naw kä ning m’thein gui man ne ma?

TAIGÜTHUM 16:18

ani cu m’khih ne douthak vai la ng’gängsei vai ah sonkiang ung a hteh vai. Ani naw vantang ah si amshah la me ah si amshah cu la neta, sonkiang ah ak kit gui a lawi gui avan ung a mek vai.

TAIGÜTHUM 8:15

Cun cu Moses naw ngawn ne asi amshah la neta, a kutpyün awn, sonkiang ah akit gui ung alawi gui cu hluk ci, cun cu ng’apnak ah kyak ci. Ani naw pawih ba ciah asi gui cu sonkiang ah akung ah huk ci. Acu cha ah ani naw ng’apnak bi ne ng’gängsei sak ci.

TAIGÜTHUM 8:10

Cun kawn ah Moses naw hluk nak ah situi cu la neta, Bawipa ah om nak ah Phung ah khan ah k’peh ci, a kyong ah om ci nü ah khan ah phi k’peh ci, acu cha ah ani naw avan cu Bawipa am ap ci.

HEBRU 2:10

Apäng avan tüisho ngäng bom ciah Khanpughi naw, a hta akda gui am abäkhäk nak, a teipai nak gui ah, geinvai nak a aut sak nak awn Bawipa Jesuh cu kümbe sak ci. Cun ah Khanpughi naw a bi cu düng ci, a i ah kyasei ci ung cun ah chang gui hun nak ah hteh püi gui ci cu, Bawipa Jesuh ah kyak ci.

TAIGÜTHUM 4:24

Ani naw acun ah lu ah khan ah a kut taih neta, sonkiang ah a lu täng ung a ngawn vai. Cun cu m’khih ne douthak nak ah seime gui ami ngawn nak ah kyak ci. Shin cu katnak nawt heng nak ah douthak nak ah kyak ci.

PHYAWN NAK 29:12

Vantang ah si cu la ne, na kutpyün awn tawk neta, sonkiang ah a lawi gui cu na hluk vai. K’pawih ba cicu sonkiang ah kung ah na hluk vai.

TAIGÜTHUM 5:9

Asi amshah cu sonkiang ah hnungtuk täng ah k’peh khai. Pawih ba ciah asi cu sonkiang ah kung ung a huk vai. Shin cu katnak nawt heng nak ah douthak nak ah kyak ci.

TAIGÜTHUM 17:11

Akghing nü ah ghin nak cu si ung om ci, cun ah kyasei Bawipa ah thumkhän cu, si avan cu chang gui ah katnak nawt heng nak ah sonkiang khan ah lawn vai. Si cu ghin nak ah kyak ci, katnak nawt heng ci.