TAIGÜTHUM 4:24 - Cho Bible Common Language 2016

²⁴ Ani naw acun ah lu ah khan ah a kut taih neta, sonkiang ah a lu täng ung a ngawn vai. Cun cu m’khih ne douthak nak ah seime gui ami ngawn nak ah kyak ci. Shin cu katnak nawt heng nak ah douthak nak ah kyak ci.

TAIGÜTHUM 4:24 Referans Kwoze

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

TAIGÜTHUM 16:15

Cun kawn ah ani naw chang gui ah phäh ah katphyawn douthak ah me cu ngawn khai. Asi cu Atheingcim Pikbäih Hmun ung law püi neta, a khüm ah khan ah k’peh khai, cun kawn ah Thukhän M’küm ah ama ung k’peh khai, vantang ah si a bi ah mäih ah a bi ah kyak ci.

TAIGÜTHUM 7:2

Shi ah douthak nak vai ah seime cu sonkiang ah alu täng ah ngawn vai, cun cu m’khih ne douthak nak ah seime ngawn nak ah kyak ci. A si cu sonkiang ah ak kit phli avan hnungtuk nak khai ah huk vai.

TAIGÜTHUM 6:25

Aaron la a hta gui am katphyawn-douthak nak ah phäh ah shin ah thungyo gui na pek vai. Katphyawn douthak nak ah seime cu sonkiang ah alu täng ah ngawn vai. Cun cu m’khih ne douthak nak ah seime gui ngawn nak ung ah kyak ci. Shin cu ang htei ah theingcim ciah douthak ah kyak ci.

TAIGÜTHUM 3:13

me ah khan ah a kut taih neta, Phung ah düma ah a ngawn vai. Taigüpa gui naw asi cu sonkiang ah akit phli avan ung k’peh khai gui.

TAIGÜTHUM 3:8

htome ah lu khan ah a kut taih neta, Phung ah düma ah a ngawn vai. Taigü gui naw asi cu sonkiang ah akit phli avan ung ami k’peh vai.

TAIGÜTHUM 3:2

Cun ah chang naw sei ah lu k’khan ah a kut taih neta, Bawipa ah om nak Phung valuh nak m’kawt ung a ngawn vai. Aaron tuu taigüpa gui naw asi cu sonkiang ah hnu akit phli ung ami k’peh vai.

TAIGÜTHUM 1:11

Ani naw sonkiang ah alu täng ah a ngawn vai, taigü gui naw sonkiang ah akit phli ung asi cu ami k’peh vai.

TAIGÜTHUM 1:5

Ani naw sei cu acu ah ngawn khai, Aaron taigü gui naw asi cu Bawipa am pek khai gui. Cun kawn ah Phung ah luh nak ung om ciah sonkiang ah akit phli ung k’peh khai gui.

PHYAWN NAK 29:38

“A hnüüp tä, akhin päng ung, kum ät lüng ciah htome hta hnih awn sonkiang ung khawihnah vai.

TAIGÜTHUM 14:13

Ani naw cun ah htome hta cu katphyawn douthak nak la m’khih ne douthak nak ah seime gui ami ngawn nak ah theingcim ciah hmun ung ngawn khai. Ani naw shin cu a bi bä bä vai, a i ah kyasei ci ung katphyawn douthak nak ah mäih ah thungba nak douthak cu taigü ah kaa ah kyak ci, ang htei ah theingcim ci.

2 GHANGPUGHANG GUI 12:16

Thung sah nak vai ah douthak nak la katnak-douthak nak ah pek ah douthak nak gui cu k’peem m’küm ung kä tha ci gui; cun cu taigü ah kaa ah kyak ci.

TAIGÜTHUM 1:4

Acun ah lu ah khan ah chang naw a kut a taih vai, Cun ung ani ah katnak hteh püi pyi ciah kyasei cun ah khawihnah nak cu dou pek khai.

TAIGÜTHUM 6:18

Angtäi sei Aaron ah ng’shon pami cu law ne, Bawipa am douthak ah ei, ngami ah chaw phung cu ei ci. Ei-douthak nak tawn ciah chang phung cu ani ah theingcim nak ah huham naw nat sak khai.

TAIGÜTHUM 6:22

Lawk ciah akhin avan ung shin ah douthak nak cu taigütung ah kiane, bii bik ciah Aaron ah htangshon päng ah bi ah kyak ci. Cun cu Bawipa am khawihnah nak ah kyasei avan m’khih yawp vai.

2 SHONTÄP NAK 29:23

Akhnu ah me gui cu la u neta ghangpughang la khawihnah ci gui ah law püi u sei ngami naw cun gui ah khan ah ami kut taih ci gui.