TAIGÜTHUM 4:23 - Cho Bible Common Language 2016

²³ ani ah cuun ngaih nak cu katnak ah a kyak ah a kyak ung ani naw a douthak vai ah kä kheihlik ciah me akhla cu a law püi vai.

TAIGÜTHUM 4:23 Referans Kwoze

TAIGÜTHUM 4:14

kä shou pha sei katnak cu ang hmat ah a kyak ung, a pahta ng’khä naw kat-douthak nak ah vantang hta cu ami law püi vai. Ngami naw Bawipa ah om nak ah Phung ung ami law püi vai.

ROMAN 8:3

Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.

KHEI NAK 29:16

Katphyawn douthak ah me m’ca tumat phi douthak vai. Shin ah douthak nak cu htang-douthak nak la sapyit tui-douthak nak awn bi ah a hnüüp tä m’khih ne douthak nak k’be nak ah kyak ci.

KHEI NAK 29:11

A cun ah mäih ah katphyawn douthak nak ah me m’ca tumat nami pek vai, me douthak nak k’be nak ah chang gui ah ng’gängsei nak cu bi vai, htang douthak nak la sapyit tui douthak nak awn a täng ah a hnüüp tä m’khih ne douthak nak cu bi vai. (Taigüthung 23:33-44)

KHEI NAK 29:5

A cun ah mäih ah katphyawn douthak ah me m’ca tumat cu nami pek vai, a shin cha ah chang gui ah ng’gängsei nak cu nami bi vai.

KHEI NAK 28:30

A cun ah mäih ah katphyawn-douthak nak ah me m’ca tumat nami douthak vai, a cun cha ah chang gui ah phih ah ng’gängsei nak cu nami bi vai.

KHEI NAK 28:15

Cun kawn ah a hnüp tä sapyit tui awn m’khah ne m’khih ne douthak nak k’be nak ah, me m’ca tumat cu katphyawn-douthak ah douthak vai.

KHEI NAK 15:24

Cun ah hma nak cu chang bum ah kä hmuhmat su ah bi ah a kyak ung ngami naw m’khih ne douthak nak ah vantang ami douthak vai. Cun ah ang ui cu Bawipa naw yei nak ci. Cun cu bi man ah htang douthak nak la sapyit tui douthak nak awn a täng ah bi vai. K’be nak ah ngami naw me m’ca tumat awn phyawn douthak nak ami bi vai.

TAIGÜTHUM 23:19

Acun ah mäih ah katphyawn douthak nak ah me m’ca hta tumat la hmuh chum douthak nak ah kum ät ci lüng ciah htome m’ca hnih awn ami douthak vai.

TAIGÜTHUM 9:3

Cun kawn ah Israel chang gui na m’thein gui vai, katphyawn douthak nak vai ah me amca ami law püi vai, m’khih ne douthak vai ah api ah phi kä kheihlik ciah, kum ät lüng ciah seipat hta tumat la kum ät lüng ciah htome hta tumat ami law püi vai.

TAIGÜTHUM 5:4

Chang tumat cu kä ngaih nak ah ang taam ah a kyak ung, a i ah mawng ah a kyak ung phi, cun bik ciah a hmat vai am ani cu cheishoh ciah kyak ci.

TAIGÜTHUM 4:28

ani ah cuun ngaih nak cu katnak ah a kyak ah a kyak ung ani naw a douthak vai ah kä kheihlik ciah me akhik cu a law püi vai.

TAIGÜTHUM 4:3

Taigütung naw katnak bi ne, chang ah khan ah a shetkat ah a kyak ung, kä kheihlik en ciah seipat anong a pek vai. Akat ah phäh ah Bawipa a khawihnah ah kyak khai.

TAIGÜTHUM 4:24

Ani naw acun ah lu ah khan ah a kut taih neta, sonkiang ah a lu täng ung a ngawn vai. Cun cu m’khih ne douthak nak ah seime gui ami ngawn nak ah kyak ci. Shin cu katnak nawt heng nak ah douthak nak ah kyak ci.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

SAM 90:8

Nang naw kami katnak cu na ma ah bum ne, m’zih ne kami katnak cu na hmuh nak vai ung na tha ci.

EZEKIEL 43:22

A ngawi ung nang naw kä khei hlik ciah me m’ca la neta, katnak ah phäh ah khawihnah nak ah na douthak khai. Vantang awn na bi ah mäih ah acun ah si awn sonkiang theingthap sak nak cu na bi vai.