TAIGÜTHUM 4:18 - Cho Bible Common Language 2016

¹⁸ Ani naw Phung ah kyong ah ang ui douthak nak sonkiang ah aki gui ah alawi gui ung cun ah si cu a mek vai. Pawih ba ciah si cu m’khih khawihnah nak ah sonkiang ah kung ung ani naw a shawi vai, cun cu Phung ung luh nak ung om ci.

TAIGÜTHUM 4:18 Referans Kwoze

TAIGÜTHUM 4:7

Ani naw Phung ah kyong ah m’khih nak ah ng’ui ciah sonkiang ah akit gui ah alawi gui ung cun ah si awn a mek vai. Phung ung valuh nak ah m’khih ne khawihnah nak ah sonkiang ah akung ung pawih ba ciah si cu ak peh vai.

TAIGÜTHUM 4:25

Taigü naw a kutpyün gui cu a cun ah me ah si ung yuk phum neta, sonkiang ah akit gui ah alawi gui ung yuk mek ne, pawih ba cicu sonkiang ah a kung ung a shawi vai.

TAIGÜTHUM 4:30

Taigüpa naw acun ah me ah si ung a kutpyün yuk phum neta, sonkiang akit gui ah alawi gui ung a hluk vai. Ak pawih cu sonkiang ah akung ah a huk vai.

TAIGÜTHUM 4:34

Taigüpa naw htome ah si ung a kutpyün yuk phum neta, sonkiang ah akit gui ah alawi gui ung a hluk vai, pawih ba cicu sonkiang ah kung ah a huk vai.

TAIGÜTHUM 5:9

Asi amshah cu sonkiang ah hnungtuk täng ah k’peh khai. Pawih ba ciah asi cu sonkiang ah kung ung a huk vai. Shin cu katnak nawt heng nak ah douthak nak ah kyak ci.

TAIGÜTHUM 6:30

Avaisü ah asi api cu Phung ah kyong ah law püi ne, katnak nawt heng nak ah mang ah a kyak ung, cun ah seime cu kä ei vai, mei awn m’khih vai.

2 SHONTÄP NAK 29:22

Taigü gui naw vantang gui cu ngawn ma u neta, htome gui, htome hta gui cu ngawn u ne, khawihnah nak päng ah asi cu sonkiang ung k’peh ci gui.

PHYAWN NAK 29:12

Vantang ah si cu la ne, na kutpyün awn tawk neta, sonkiang ah a lawi gui cu na hluk vai. K’pawih ba cicu sonkiang ah kung ah na hluk vai.

PHYAWN NAK 30:10

Aaron naw kum ät ung hnü ät a bi vai cu sonkiang ah theingcim nak vai ah, katnak ah phäh ah khawihnah nak ah seime ah si awn a lawi phli cu a hluk vai. Shin cu a kum tä sei ngawi yä bi vai ah kyak ci. Shin ah sonkiang cu kei Bawipa ung ng’ap ciah akbe ah theingcim ciah kyak ci.

TAIGÜTHUM 8:15

Cun cu Moses naw ngawn ne asi amshah la neta, a kutpyün awn, sonkiang ah akit gui ung alawi gui cu hluk ci, cun cu ng’apnak ah kyak ci. Ani naw pawih ba ciah asi gui cu sonkiang ah akung ah huk ci. Acu cha ah ani naw ng’apnak bi ne ng’gängsei sak ci.

TAIGÜTHUM 9:9

A hta gui naw asi cu law püi ci gui, ani naw acun ung a kutpyün gui yuk phum ci, amshah cu sonkiang ah kit gui a lawi gui ung mek nak ci, pawih ba cicu sonkiang ah akung ah huk ci.