TAIGÜTHUM 4:15 - Cho Bible Common Language 2016

¹⁵ Ami pahta ung ang vai gui naw vantang ah lu ah khan ah ami kut taih u neta, a cun ung ami ngawn vai.

TAIGÜTHUM 4:15 Referans Kwoze

TAIGÜTHUM 1:4

Acun ah lu ah khan ah chang naw a kut a taih vai, Cun ung ani ah katnak hteh püi pyi ciah kyasei cun ah khawihnah nak cu dou pek khai.

KHEI NAK 11:25

Cun kawn ah Bawipa naw khaw ng’mei ung law neta, ng’thu püi ci. Ani naw Moses am a peik ah mümcha amshah cu la neta angvaihta chihkip am pe gui ci. Ngami ah khan ah mümcha gawk law khäta, ngami cu prophet gui ah mäih ah m’lau ci gui. Cun ung phi akshou kä m’lau ci gui.

KHEI NAK 11:16

Bawipa naw, Moses am, chang gui naw chang m’sui u ne, ang vaihta ah ami k’bäi ah chang chihkip cu na k’bum gui vai. Kei ah om nak ah Phung ung na law püi gui vai. A cun ung na pei ah ami ng’düih vai ah na m’thein gui vai.

KHEI NAK 8:10

Levit gui ah ami lu khan ah Israel gui naw ami kut ami taih vai.

TAIGÜTHUM 16:21

Ani naw a kut avan cu me ah lu khan ah taih neta, Israel chang gui ah ami shetkat avan, ami katnak avan, ami thüngphyong nak avan cu, acun ah khan ah ng’yu ne ng’paa nak ci, cun cu me ah lu khan ah k’plon yawp ah kyak ci. Cun kawn ah ami m’hnüt bäi ah chang am, me cu bung ah k’täm ne gawt sak ah kyak ci.

TAIGÜTHUM 8:22

Cun kawn ah Moses naw ak hnih nak ah htome khla cu la ci, cun cu taigü gui phyuhtheh nak gui vai ah kyak ci. Cun ah alu ah khan ah Aaron la a hta gui naw ami kut taih ci gui.

TAIGÜTHUM 8:14

Cun kawn ah Moses naw vantang hta cu katphyawn-douthak nak vai ah law püi khäta, acun ah lu khan ah Aaron la a hta gui naw ami kut taih ci gui.

TAIGÜTHUM 4:4

Ani naw Phung ung luhnak ung vantang cu law püi neta, alu khan ah a kut taih ne, Bawipa ah ma ah acun ung a ngawn vai.

PHYAWN NAK 24:9

Moses, Aaron, Nadab, Abihu la Israel chang pa 70 cu m’htung ah hang kai u neta,

PHYAWN NAK 24:1

Bawipa naw Moses am, “Nang, Aaron, Nadab, Abihu la Israel chang pa 70 cu kei ah om nak m’htung ah nami kai law vai, nangmi naw api ang shawng nak ung kawp ne nami khawihnah vai.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

TAIGÜTHUM 4:16

Taigütung naw vantang ah si amshah cu Phung ah kyong ah a law püi vai,

TAIGÜTHUM 8:18

Cun kawn ah Moses naw htome akhla cu m’khih ne douthak vai ah law püi khäta acun ah lu khan ah Aaron la a hta gui naw ami kut taih ci gui.

KHEI NAK 8:12

Levit gui naw sei hta gui ah lu khan ah ami kut ami taih vai, Tumat cu kat phyawn douthaknak ah a hei tumat cu m’khih ne douthak nak ah douthak vai. Cun cu Levit gui ah hmawk ah ng’gängsei nak bi ah kyak ci.

2 SHONTÄP NAK 29:23

Akhnu ah me gui cu la u neta ghangpughang la khawihnah ci gui ah law püi u sei ngami naw cun gui ah khan ah ami kut taih ci gui.