TAIGÜTHUM 4:12 - Cho Bible Common Language 2016

¹² Phung ah akpung ah hteh püi ne, m’vut huk nak vai ah ami sei pyan nak ung, sing hnawn ah khan ah taih neta mei awn am khih vai.

TAIGÜTHUM 4:12 Referans Kwoze

HEBRU 13:11

“Jew chang gui ah Taigü Tung naw, sei me gui ah asi gui cu cheishoh nak küikyan nak vai ah, a Theingcim nak pi Säih ah a law püi ung phi; sei me gui ah pum cu phung ah ak pung ah mei awn m’khih ci ci gui.

PHYAWN NAK 29:14

Cun ung phi vantang ah asa, avun la a eek gui cu, phung hmun ah k’pung ah mei awn m’khih vai. Cun cu taigü gui ah katnak m’hlawt nak ah kyak ci.

TAIGÜTHUM 16:27

Vantang la me cu katphyawn douthak nak ah mang ah kyak ci, cun gui ah si cu katnak hteh püi khai ah Atheingcim Pikbäih Hmun ung hteh püi ah kyak ci, cun cu shaum pigaw ak pung hteh püi ne m’khih vai ah kyak ci. A vun, a sa la a chikyong avan cu m’khih vai.

KHEI NAK 19:5

Apum avan, avun, asa, asi la ak chikhawn avan cu taigü ah ma ah mei awn m’khih vai.

KHEI NAK 19:3

Ngani naw taigü Eleazar am pek khai goi. Cun cu Phung ah akpung ah hteh püi neta, ani ah ma ah ngawn vai.

KHEI NAK 15:35

Cun kawn ah Bawipa naw Moses am, “Cun ah chang cu sih nak peik vai nei, shaum pigaw akpung ah hteh püi neta, chang bum avan naw lung awn ami vawih vai nei.”

KHEI NAK 5:3

Kä theingthap ciah shin ah mäih chang avan cu k’täm gui ä, cun ung kei naw ka chang gui ah ng’lung ah ka om nak ah shin ah shaum pigaw cu kä lelawi sak khai gui.”

TAIGÜTHUM 13:46

Ani cu cun ung a gaw ah chuih kä theingthap ciah kyak ci. Chang awn ng’shawng ne shaum pigaw ah k’pung ah a om vai.

TAIGÜTHUM 4:21

Cun kawn ah ani naw vantang cu Phung ah k’pung ah hteh püi neta, m’khih khai, cun cu amät ah katnak ah phäh ah douthak ah vantang am khih ah mäih ah kyak ci. Shin cu chang akda ang bum ah katnak nawt heng khai ah douthak nak ah kyak ci.

TAIGÜTHUM 6:30

Avaisü ah asi api cu Phung ah kyong ah law püi ne, katnak nawt heng nak ah mang ah a kyak ung, cun ah seime cu kä ei vai, mei awn m’khih vai.

TAIGÜTHUM 8:17

Ani naw pawih ba ciah vantang ah avun, amcii la a chihta gui cu Bawipa ah thumkhän ah mäih ah Phung ah akpung ah m’khih ci.

TAIGÜTHUM 9:11

Cun ung phi a meh la avun cu Phung ah akpung ah m’khih ci.

EZEKIEL 43:21

Cun kawn ah nang naw katnak ah phäh ah khawihnah nak douthak vai ah vantang cu tha neta, Taigüim hmun ah akpung ah ani nak ah hmun ung na m’khih khai.

TAIGÜTHUM 6:4

chang tumat cu shin gui ungka, tumat mat a kat ah a kyak ung, ani naw kä düng nak awn a gah phung cu, a pek ba vai. Ani cheishoh ciah ang hmat hnüüp ung, kaa nak ciam avan a pek ba vai, cun kawn ah bum hma ung bum ät awn am khah vai.

TAIGÜTHUM 6:23

Taigü naw a bi ah htang douthak nak cu api ah phi kä ei vai, avan m’khih vai.