TAIGÜTHUM 3:6 - Cho Bible Common Language 2016

⁶ Me baw, htome baw hmuhchum douthak nak ah mang vai a kyak ung, akhik phi bäi, ak hla phi bäi khai, cun ung phi kä kheihlik en khai.

TAIGÜTHUM 3:6 Referans Kwoze

EPHESIAN 1:10

Cun ah Khanpughi naw akümbe sak vai ah ang bü nak cu, akhin aküm law hnüüp ung khankho la khomdek ung a tüisho gui avan cu Bawi Khrit ah lam ma nak awn ang cut sak gui vai ah hmawk ah kyak ci.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

ISAIAH 60:7

Kedar la nebaioh ah ka htome avan cu, khawihnah nak vai ah nang ah law püi khai gui nei, Bawipa ah zeikiai nak ah sonkiang ung douthak vai nei. Bawipa naw ak Taigü im cu ayanä ah ta bämang pi khai ah bik khai nei.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

TAIGÜTHUM 1:2

Cun cu Israel gui naw khawihnah nak ami douthak law ung ami läk vai ah kyak ci. Chang tumat naw seime awn a khawihnah douthak law ung cun cu amät ah sei ah baw, me ah baw, htome ah baw kyak khai.

TAIGÜTHUM 22:20

Nami douthak ah seime cu a kheihlik ah a kyak ung Bawipa naw kä dou khai.

TAIGÜTHUM 19:5

“Hmuhchum-douthak nak vai ah seime ngami ngawn ah a kyak ung, kei naw ka ning pek gui ah thungyo cu nami k’pang khek vai, kei naw nami douthak cu ka dou khai.

TAIGÜTHUM 23:19

Acun ah mäih ah katphyawn douthak nak ah me m’ca hta tumat la hmuh chum douthak nak ah kum ät ci lüng ciah htome m’ca hnih awn ami douthak vai.

KHEI NAK 6:14

Kä kheihlik ciah seime thum cu Bawipa am a pek vai. M’khih ne douthak vai ah kum ät lüng ciah htome amca tumat, kat phyawn douthak vai ah kum ät lüng ciah htome amla tumat, la hmuhchum douthak nak vai ah me amca hta tumat ah kyak ci.