TAIGÜTHUM 3:5 - Cho Bible Common Language 2016

⁵ Cun gui cu m’khih ne douthak nak gui awn a täng ah sonkiang khan ah taigüpa gui naw ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 3:5 Referans Kwoze

TAIGÜTHUM 6:12

Sonkiang khan ah mei cu a uih lä vai, kä a sih phung en vai. A khawngawi tä sei taigü naw mei ung sing am sui ba vai. M’khih ne douthak nak cu a bi vai. Hmuhchum douthak nak ah a thau am khih vai.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

PHYAWN NAK 29:13

Cun kawn ah a chi-khawn ung om ciah a thau avan, am sin ungka akni pi, am kee goi la a thau gui cu la neta, sonkiang ung m’khih ne na na douthak vai.

EZEKIEL 44:15

Uktu Bawipa naw pyen ci, “Cun ung phi Levi pakhui nak ciah Zadok ah htangshon taigü gui cu, a i ah a kyak ung phi, Israel chang gui naw kei na ng’hla ta ne ami kyak sang ung, Taigüim ung kei ung bekhüt ne bii bik ci gui ah kyak ci. Cun ah kyasei, tuhbäi ngami cu kei ah bii bik ci gui la kei ah ma ah law ne, khawihnah nak ah a thau la asi douthak ci gui ah kyak ci.

EZEKIEL 44:7

Ngami naw kei ah Taigüim cu kei ah ng’thu kä ngai ciah chang gui, vun-ah nak kä bik ciah a khohei chang gui luh sak gui ne lelawi sak ci gui nei, khawihnah nak ah athau la asi cu kei am ami na douthak yah ung ngami cu Taigüim ung lut ci gui nei. Cun ah kyasei ka chang gui naw shemshai ci gui avan bi u ne, kei ah thukhän cu m’shet ci gui nei.

2 SHONTÄP NAK 35:14

Cun ah ami bi kawn ah, Levit gui naw meh cu ami mät gui am pek ci gui, Aaron ah ng’shon taigü gui am phi pek ci gui, taigü gui cu seime gui apum ah m’khih u ne, khawihnah nak ah a thau gui m’khih u ne, khomü güt sei tawt law ci gui.

1 GHANGPUGHANG GUI 8:64

A cu hnüüp ung chan ah, ang lung lai phi ani naw ap ci, cun cu Taigüim ah ma ung om ci, cun kawn ah apum avan m’khih ne khawihnah nak, htang-douthak nak, khawtsheng-douthak nak ah seime gui ah a thau gui cu ani naw douthak ci, A i ah kyasei cun ah abi ci ung shin ah douthak gui avan ah phäh ah kyei sonkiang cu aläm aih ah phäh ah kyak ci.

TAIGÜTHUM 4:35

Hmuhchum-douthak nak ah htome ah thau lak ah mäih ah ani naw cun ah thau avan cu a lak vai. Bawipa am pek ah ei-douthak nak ah sonkiang awn ng’däih khai ah am khih vai. Ashicha ah taigüpa naw chang ah katnak ah phäh ah khawihnah nak cu a douthak vai, ani cu m’geinsei nak gah khai.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

TAIGÜTHUM 3:4

amke la cun ung a thau gui, amsin ungka akni pi gui,

TAIGÜTHUM 3:11

Shin gui avan cu Bawipa am ei-douthak ah sonkiang ah khan ah taigü bawi naw am khih vai.

TAIGÜTHUM 7:28

Bawipa naw Moses am shin ah thungyo gui cu pek ci.

TAIGÜTHUM 9:17

Ani naw htang-douthak nak cu pe ne, m’htut den shum ät cu la neta, sonkiang ung m’khih ci. (Cun cu a hnüüp tä ami bi ah m’khih ne douthak akbe nak ah kyak ci.)

KHEI NAK 15:8

M’khih ne douthak, kä cun ung, thukhän k’be nak ah khawihnah nak, kä cun ung, hmuhchum douthak nak ah vantang hta cu Bawipa am douthak law ung,

KHEI NAK 28:3

Shin gui cu Bawipa am pek vai ah ei-douthak gui ah kyak ci: a hnüüp tä lüng ciah htome m’ca hnih,

KHEI NAK 28:12

Htang at ung m’htut den pie thum ci; htome tumat ung m’htut den pie goi ci;

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

TAIGÜTHUM 1:17

Ani naw ang phia gui ung k’pang ne apum cu hleei ne, ang phia cu kä hleei en neta, avan cu sonkiang khan ah am khih vai. Cun ah ei-douthak ah ang ui cu Bawipa naw yeikyai nak ci.

KHEI NAK 18:17

Cun ung seipat, htome la me gui ah hta htük gui cu kä hleh ba gui vai. Cun gui cu kei ah ka teng ah kyak ci. Khawihnah nak vai ah kyak ci, cun gui ah si cu sonkiang hnungtuk püi ne nami peh vai. Ei-douthak ah a thau cu nami m’khih vai. Ang ui naw kei cu na yei sak khai.