TAIGÜTHUM 3:3 - Cho Bible Common Language 2016

³ Cun kawn ah sei ah asa gui cu ei-douthak ah Bawipa am ami pek vai. A chi kyong ung a thau avan,

TAIGÜTHUM 3:3 Referans Kwoze

PHYAWN NAK 29:13

Cun kawn ah a chi-khawn ung om ciah a thau avan, am sin ungka akni pi, am kee goi la a thau gui cu la neta, sonkiang ung m’khih ne na na douthak vai.

MATTHE 15:8

Khanpughi naw, ‘Shin ah chang gui naw, ami shai awn Kei cu nam hlüngtai ci gui, Cun ung phi ami m’lung cu kei awn ng’shawng aih ci.

PHYAWN NAK 29:22

“Htome ah thau, ang mei, a chi khawn ghak ciah a thau, amsin ungka akni pi, amke goi, amke ung a thau la akpat täng ak phleing cu ah na lak vai nei.

ROMAN 6:6

Mi ghin nak k’phyim cu Bawi Khrit awn a täng ah kutlam tung ngawn pyi ah kyak ci. Cun ah kya sei katnak awn be ciah mi m’lung kyong cu dimaih pyi ci kya ne, mikmi cu katnak ah khlei-htein ah kä mi kya ba ci, cicu mi hmat pyi ci.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

MATTHE 13:16

Nangmi ah hmawk ah a i hlawk ah yeikyai vai kyak ci ang? Nangmi cu nami mik m’dei ne nami hnga ng’lang ci.

EZEKIEL 36:26

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

NG'THU K'THUUK~ 23:26

Ka hta aw, na m’lung ngaih na na pek vai. Ka ghin nak cu na ng’thei thei vai nei.

SAM 119:70

Shin ah chang gui ung hmuhmat nak kä om ci, cun ung phi na thukhän ung lünlawi nak ka hmuk ci.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

TAIGÜTHUM 3:16

Bawipa naw a yeikyai nak ah ei-douthak ah shin gui avan cu sonkiang ung taigüpa naw am khih vai. Athau avan cu Bawipa naw khäm ci.

TAIGÜTHUM 1:8

Ngami naw khisa m’saa gui cu mei ung k’bum khai gui, alu la a thau mah ah m’khih khai gui.

TAIGÜTHUM 1:12

Cun ah chang naw amsaa yawp ung taigü bawi naw cun gui avan cu mei ung shum khai, alu la a thau mah ah shum khai.

TAIGÜTHUM 3:2

Cun ah chang naw sei ah lu k’khan ah a kut taih neta, Bawipa ah om nak Phung valuh nak m’kawt ung a ngawn vai. Aaron tuu taigüpa gui naw asi cu sonkiang ah hnu akit phli ung ami k’peh vai.

TAIGÜTHUM 3:4

amke la cun ung a thau gui, amsin ungka akni pi gui,

1 SAMUEL 2:15

Ang dawn ah, a hta cu law püi ne, mei ung kä m’khih pha ung, taigüpa ah changshäm cu law neta, khawihnah douthak ciah chang am, “Meh api na pe ä, taigüpa naw ang shai vai; ani naw shon ah meh cu na pek ung kä dou khai, meh ket va dou khai.”

TAIGÜTHUM 4:10

Taigüpa naw a thau cu la neta, m’khih ne douthak nak ah ami mang ah sonkiang ung am khih vai. Hmuhchum-douthak ah sei ngawn ung a thau ami bi ah mäih ah a bi vai.

TAIGÜTHUM 7:5

Taigü naw Bawipa am ei-douthak ah kyak khai ah sonkiang ung a thau avan cu am khih vai. Cun cu thungba nak douthak ah kyak ci.

TAIGÜTHUM 7:30

Cun cu ei-douthak ah amät ah kut awn a law püi vai. Ani naw seime ah a thau cu amakaw mah ah law püi ne, Bawipa am aktung ah m’cümhnah ah a pek vai.

TAIGÜTHUM 9:10

Cun kawn ah ani naw Bawipa naw Moses am thumkhän a pek ah mäih ah a thau ni, amke ni, amsin ung akni pi gui cu sonkiang ung m’khih ci.

TAIGÜTHUM 16:25

Ani naw katphyawn douthak nak ah seime ah a thau cu sonkiang khan ah am khih vai.

EZEKIEL 44:15

Uktu Bawipa naw pyen ci, “Cun ung phi Levi pakhui nak ciah Zadok ah htangshon taigü gui cu, a i ah a kyak ung phi, Israel chang gui naw kei na ng’hla ta ne ami kyak sang ung, Taigüim ung kei ung bekhüt ne bii bik ci gui ah kyak ci. Cun ah kyasei, tuhbäi ngami cu kei ah bii bik ci gui la kei ah ma ah law ne, khawihnah nak ah a thau la asi douthak ci gui ah kyak ci.