TAIGÜTHUM 3:2 - Cho Bible Common Language 2016

² Cun ah chang naw sei ah lu k’khan ah a kut taih neta, Bawipa ah om nak Phung valuh nak m’kawt ung a ngawn vai. Aaron tuu taigüpa gui naw asi cu sonkiang ah hnu akit phli ung ami k’peh vai.

TAIGÜTHUM 3:2 Referans Kwoze

PHYAWN NAK 29:10

“Vantang hta cu ka om nak ah phung ah ma ah law püi neta, Aaron la a hta gui naw alu khan ah ami kut ami taih vai ah na pyen vai.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

TAIGÜTHUM 8:22

Cun kawn ah Moses naw ak hnih nak ah htome khla cu la ci, cun cu taigü gui phyuhtheh nak gui vai ah kyak ci. Cun ah alu ah khan ah Aaron la a hta gui naw ami kut taih ci gui.

TAIGÜTHUM 1:11

Ani naw sonkiang ah alu täng ah a ngawn vai, taigü gui naw sonkiang ah akit phli ung asi cu ami k’peh vai.

PHYAWN NAK 29:11

Phung ah m’kawt pei, kei ah om nak ah a theing nak ung, vantang hta cu na ngawn vai.

PHYAWN NAK 29:16

Htome cu ngawn ne asi cu la neta, sonkiang ah akit phli avan ung na k’peh vai.

TAIGÜTHUM 3:3

Cun kawn ah sei ah asa gui cu ei-douthak ah Bawipa am ami pek vai. A chi kyong ung a thau avan,

TAIGÜTHUM 3:8

htome ah lu khan ah a kut taih neta, Phung ah düma ah a ngawn vai. Taigü gui naw asi cu sonkiang ah akit phli avan ung ami k’peh vai.

KHEI NAK 18:17

Cun ung seipat, htome la me gui ah hta htük gui cu kä hleh ba gui vai. Cun gui cu kei ah ka teng ah kyak ci. Khawihnah nak vai ah kyak ci, cun gui ah si cu sonkiang hnungtuk püi ne nami peh vai. Ei-douthak ah a thau cu nami m’khih vai. Ang ui naw kei cu na yei sak khai.

PHYAWN NAK 29:15

“Htome hta tumat cu la neta, Aaron la a hta gui naw alu khan ah ami kut ami taih vai ah na pyen nak gui vai.

PHYAWN NAK 29:19

“A hei htome, ng’ap nak ah htome cu la neta alu ah khan ah Aaron la a hta gui naw ami kut ami taih vai ah na pyen nak gui vai.

TAIGÜTHUM 17:3

Israel chang a u naw phi Bawipa am douthak vai ah seipat, htome, me a ngawn ah a kyak ung, Bawipa ah om nak ah Phung valuh nak ung kä a ngawn ah khoi ung, ani cu Thukhän m’shet ciah kyak ci. Ani cu si lon sak ciah kyak ci, ani cu Khanpughi ah chang ah kä kya tuba khai.