TAIGÜTHUM 3:17 - Cho Bible Common Language 2016

¹⁷ Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

TAIGÜTHUM 3:17 Referans Kwoze

ATÜNNAK 9:4

Cun ung phi si la si ah om nak ah asa cu kä nami ei vai, si ung ghin nak om ci.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

THULÄÄN NAK 15:23

Cun ung phi asi cu ei vai ah kä nami mang en vai; cun nak vaisü ung m’dek khan ung tui ah mäih ah nami k’peh vai.

THULÄÄN NAK 12:23

Si om ciah asa cu kä nami ei vai. Ghin nak cu si ung om ci, nangmi naw a ghin nak mah ah meh cu kä nami ei vai.

TAIGÜTHUM 7:23

Cun gui cu Israel chang gui ah hmawk ah kyak ci. Seipat, htome, me ni ah thau phung cu kä ei vai.

THULÄÄN NAK 12:16

Cun ung phi ami si cu ei vai ah kä nami mang vai. Cun cu tui ah mäih ah m’dek ah khan ung nami k’peh vai.

TAIGÜTHUM 17:7

Israel chang gui cu kä bekhüt ne, kä ami kyak en ba vai bung pya ah khogam khawihnah nak ah seima kä ami ngawn en ba vai. Israel chang gui naw shin ah thungyo lawk ciah akhin avan ung ami pan khek vai.

TAIGÜTHUM 6:18

Angtäi sei Aaron ah ng’shon pami cu law ne, Bawipa am douthak ah ei, ngami ah chaw phung cu ei ci. Ei-douthak nak tawn ciah chang phung cu ani ah theingcim nak ah huham naw nat sak khai.

TAIGÜTHUM 3:16

Bawipa naw a yeikyai nak ah ei-douthak ah shin gui avan cu sonkiang ung taigüpa naw am khih vai. Athau avan cu Bawipa naw khäm ci.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

LAMKTU 15:29

A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

EZEKIEL 44:15

Uktu Bawipa naw pyen ci, “Cun ung phi Levi pakhui nak ciah Zadok ah htangshon taigü gui cu, a i ah a kyak ung phi, Israel chang gui naw kei na ng’hla ta ne ami kyak sang ung, Taigüim ung kei ung bekhüt ne bii bik ci gui ah kyak ci. Cun ah kyasei, tuhbäi ngami cu kei ah bii bik ci gui la kei ah ma ah law ne, khawihnah nak ah a thau la asi douthak ci gui ah kyak ci.

EZEKIEL 33:25

“Kei uktu Bawipa naw ka pyen cu m’thein gui ä: Nangmi naw si om ge ciah asa cu nami ei ci. Agup gui nami khawihnah ci, chang nami ngawn ci. Cun ah kyasei, a i ah kyasei shin ah khaw cu nami kaa ah nami ngaih ang?

THULÄÄN NAK 32:14

Ami seipat gui la me gui naw suuktui akda pek ci gui, Nangmi ung htome aknipi, me aknipi, sei ani pi om ci. Ami htang la ami sapyit phi aknipi ah kyak ci.

TAIGÜTHUM 23:14

Thui an, htang hlaw, m’htut ng’shai ung tün ne geit thai phung cu Khanpughi am douthak nak kä bi pha ah chuih, kä ei vai. Shin ah thungyo gui avan cu nami hta nau gui avan naw, lawk ciah a khin avan ung ami ngaih nak vai ah kyak ci.

TAIGÜTHUM 7:36

Israel chang gui naw shin ah douthak amshah cu, ngami am ami pek gui vai ah, cu hnüüp ung Bawipa naw thumkhän gui ci. Shin cu Israel chang gui naw lawk ciah a khin avan ung ami läk vai ah thungyo ah kyak ci.

1 TIMOTHI 4:4

Khanpughi ah tüi pyan phung cu nik ciah kyasei, a i ei phi kä hlawi vai, ei vai phung cu m’hlüngtai ne taigü nak awn dou vai kiak ci,

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

EZEKIEL 44:7

Ngami naw kei ah Taigüim cu kei ah ng’thu kä ngai ciah chang gui, vun-ah nak kä bik ciah a khohei chang gui luh sak gui ne lelawi sak ci gui nei, khawihnah nak ah athau la asi cu kei am ami na douthak yah ung ngami cu Taigüim ung lut ci gui nei. Cun ah kyasei ka chang gui naw shemshai ci gui avan bi u ne, kei ah thukhän cu m’shet ci gui nei.

NEHEMIAH 8:10

Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”

KHEI NAK 19:21

Nangmi naw shin ah thung cu lawk ciah a khin avan ung nami ngaih nak vai. Gängsei nak vai ah tui k’peh ciah chang naw phi a suisak cu am si vai. Tui tawn ciah chang päng cu mühun güt ung kä theingthap ci.

TAIGÜTHUM 16:34

Shin ah thungyo gui cu lawk ciah a khin avan ung ngaih nak vai ah kyak ci. Shin ah bilawh thung cu Israel chang gui ah katnak avan ng’gängsei nak ah kum ät ung hnü ät ciah bi vai. Cun ah kyasei Moses naw Bawipa ah thumkhän ah mäih ah bik ci.

PHYAWN NAK 27:21

Aaron la a hta gui naw kei ah om nak ah phung ah kyong ah mei im ami m’däi vai, cun cu yihdung ah akpung, Thukhän M’küm ah a ma ah kyak ci. Acun ah kei ah ma ah mühun ung tün ne khaw ngawi ung khüt sei, ami m’däi vai nei. Shin ah thumkhän cu Israel gui la ami hta ng’shon gui naw ngawiyä ami läk vai ah kyak ci nei.

TAIGÜTHUM 4:1

Bawipa naw Moses ang thumkhän ci,

TAIGÜTHUM 6:22

Lawk ciah akhin avan ung shin ah douthak nak cu taigütung ah kiane, bii bik ciah Aaron ah htangshon päng ah bi ah kyak ci. Cun cu Bawipa am khawihnah nak ah kyasei avan m’khih yawp vai.

TAIGÜTHUM 7:34

Seime ah amakaw cu aktung m’cümhnah ah, akpat täng a khaw cu aktung pektak ah, Bawipa naw Israel chang gui ah la neta, taigü gui am pe gui ci. Shin cu Israel chang gui naw Taigü gui am lawk ciah akhin päng ung, ami pek vai ah kyak ci.

TAIGÜTHUM 10:9

“Nang la na hta gui cu yu baw, beer baw nami awk phung ung kei ah om nak ah Phung ung kä nami valuh en vai, nami luh ung nami sik khai. Shin cu nami htangshon avan naw nami k’pan vai ah thukhän nei.

TAIGÜTHUM 10:15

Cun ah khin ung ngami naw aphei khaw la amakaw cu ami law püi vai, a thau cu ei-douthak ah Bawipa am pek vai. Shin avan cu Bawipa ah thumkhän ah mäih ah nang la na htanau gui naw ngawiyä nami khäm vai ah kyak ci.

TAIGÜTHUM 16:29

Shin ah thungyo gui cu lawk khai ah a khin avan ung ngaih mah nak gui vai ah kyak ci. A cha chih nak ah, a hnüüp gha hnüüp ung Israel chang gui la ami ng’lung ah om tuk ciah a khawhei chang gui cu ei ami hlawi vai, a i phi kä ami bi vai.

TAIGÜTHUM 23:21

Cun ah hnüüp ung nami mät ah bii a i phi kä nami bi vai, cun ung phi khawihnah vai ah nami ng’bum vai. A hawi ami om ung phi nami hta nau gui naw, shin ah thungyo gui cu lawk ciah a khin avan ung ami ngaih nak vai.

TAIGÜTHUM 24:3

A mühun tä sei Aaron naw amdäi gui vai, a ngawi ung khaw ngawi güt amdäi vai, cun cu Bawipa ah om nak, yihdung ah akpung, Thukhän M’küm ah ama ah kyak ci, Atheingcim Pikbäih Hmun ung ah kyak ci. Shin ah thungyo cu lawk ciah khin avan ung ngaih nak vai ah kyak ci.

PHYAWN NAK 28:43

Aaron la a hta gui naw angtäi sei ami sui vai ah, kei ah om nak ah phung kyong ah ami luh law ung, Atheingcim Hmun sonkiang pei ah tagü ah kya ne ami law ung, cheishoh ne ami mät kä ami sih vai ah, acun ah ami suisak vai nei. Shin cu Aaron la a hta ng’shon gui ah phäh ah ng’tän ciah thukhän ah kyak ci.

TAIGÜTHUM 6:15

Ani naw m’htut den shum ät la situi cu la ne, tui ng’ui awn sonkiang khan ah m’khih ci, cun cu Bawipa am avan douthak ah bi ah kyak ci. Cun ah douthak ah ang ui cu Bawipa naw yeikyai nak ci.

TAIGÜTHUM 19:26

“A sa kyong ah asi om yah ciah meh cu kä nami ei vai. Cecai nak ah ei phung cu kä nami ei vai.

TAIGÜTHUM 24:9

M’htut cu Aaron la a hta nau gui ah kaa ah kyak ci. Ngami naw atheingcim nak ah hmun ung ami ei vai, a i ah kyasei ci ung taigü gui ah hmawk ah Bawipa am douthak ah ang htei ah theingcim ciah avang ah kyak ci.

THULÄÄN NAK 12:24

Si cu ei vai ah kä nami mang vai. Acun nak vaisü ung tui ah mäih ah m’dek ung nami k’peh vai.

2 SHONTÄP NAK 29:35

A pumsa van m’khih ne khawihnah nak douthak nak phi om ba ci, chang gui naw ami ci vai ah khawihnah nak douthak nak ah a thau m’khih nak cu taigü gui ah bi ah kyak ci, m’khih ne douthak nak ung ami bi ah sapyit tui phyuh theh nak phi ngami naw bik ci gui. Acu cha ah Taigüim ung khawihnah nak cu tün ba ci gui.