TAIGÜTHUM 3:16 - Cho Bible Common Language 2016

¹⁶ Bawipa naw a yeikyai nak ah ei-douthak ah shin gui avan cu sonkiang ung taigüpa naw am khih vai. Athau avan cu Bawipa naw khäm ci.

TAIGÜTHUM 3:16 Referans Kwoze

MATTHE 22:37

Bawipa Jesuh naw, “Na Bawipa Nak Khanpughi cu, nam lung kiong avan, na ngaihtüh avan La na hmuhmat nak avan nawn nam hni vai.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

2 SHONTÄP NAK 7:7

Solomon naw Taigüim ah ma ah kyong pyang ah ang lung cu ap neta, avan m’khih ne khawihnah nak, htang-douthak nak, khawtsheng-douthak nak ungka a thou gui cu douthak ci. Ani naw a i ah kyasei shin ah abi ci ung, ani naw kyei awn a pyan ah sonkiang cu shin gui avan bi nak vai ah a yaw aih ah phäh ah kyak ci.

TAIGÜTHUM 17:6

Taigü naw si gui cu Phung ung valuh nak, sonkiang ah akit gui ung a huk vai. A thau cu khu ne ng’ui sei Bawipa naw a yei nak vai ah am khih vai.

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

TAIGÜTHUM 8:25

Ani naw athau, angmei thau, a chikyong ung a thau avan, amsin ung akni pi, amke gui la a cun ung a thau gui, la akpat täng aphei khaw cu lak ci.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

TAIGÜTHUM 4:26

Cun kawn ah ani naw a thau avan cu sonkiang ah khan ah am khih vai. Cun cu hmuhchum-douthak nak ah seime ah thau am khih ah mäih ah kyak ci. A shicha ah taigüpa naw uktu ah katnak ah phäh ah khawihnah nak cu a douthak vai. Ani cu m’geinsei nak gah khai.

PHYAWN NAK 29:22

“Htome ah thau, ang mei, a chi khawn ghak ciah a thau, amsin ungka akni pi, amke goi, amke ung a thau la akpat täng ak phleing cu ah na lak vai nei.

PHYAWN NAK 29:13

Cun kawn ah a chi-khawn ung om ciah a thau avan, am sin ungka akni pi, am kee goi la a thau gui cu la neta, sonkiang ung m’khih ne na na douthak vai.

2 SHONTÄP NAK 29:35

A pumsa van m’khih ne khawihnah nak douthak nak phi om ba ci, chang gui naw ami ci vai ah khawihnah nak douthak nak ah a thau m’khih nak cu taigü gui ah bi ah kyak ci, m’khih ne douthak nak ung ami bi ah sapyit tui phyuh theh nak phi ngami naw bik ci gui. Acu cha ah Taigüim ung khawihnah nak cu tün ba ci gui.

EZEKIEL 44:15

Uktu Bawipa naw pyen ci, “Cun ung phi Levi pakhui nak ciah Zadok ah htangshon taigü gui cu, a i ah a kyak ung phi, Israel chang gui naw kei na ng’hla ta ne ami kyak sang ung, Taigüim ung kei ung bekhüt ne bii bik ci gui ah kyak ci. Cun ah kyasei, tuhbäi ngami cu kei ah bii bik ci gui la kei ah ma ah law ne, khawihnah nak ah a thau la asi douthak ci gui ah kyak ci.

ATÜNNAK 4:4

Abel naw a htawme gui ah hta htük gui ungka akplan pi ghü ne law püi ne, ngawn neta, akni pi gui m’küm ne, Bawipa cu khawihnah ci. Bawipa naw Abel la a khawihnah nak cu dou ci.